Новости

Коронавирустың кесірінен болған дағдарыс талай адамды жұмыссыз қалдыратын түрі бар. Ал жұмыссыздық салдары қашан да өзекті проблемаларға алып келеді. Бұған жол бермес үшін Үкімет қазірден қамданып жатыр. «Жол картасы» аясында биылдың өзінде 1 млн 200 мың адамға жалақы алатын іс тауып бермек. Ал, сарапшылар болса маусымдық жұмыстармен ғана шектеліп қалмай, дағдарысқа қарсы бағдарламаларға бөлінген қаражаттың діттеген жеріне жетуін қадағалау маңызды …

Түркістан облысы Мақтаарал ауданындағы төтенше жағдайдың қаупі сейілгендей. Десек те, бұл арқаны кеңге салып, айтып келмейтін апаттың алдын алдық деген сөз емес. Өйткені, әлі де болсын топан су екі ауылдың іргесінде жатыр. Ал, толықтай судың астында қалған елді мекен тұрғындары үшін «Азаматтарға арналған үкімет» корпорациясы мобильді топ құрып, құжатсыз қалған азаматттардың қағаздарын қалпына келтірмек.

Қазақстандықтарды өткен аптадан бері алаңдатқан Түркістан облысындағы су тасқынынан келер қауіп әлі сейілер емес. Мамандар Жетісай ауданына да қызыл су кіруі мүмкін дейді. Ал үйлері жарамсыз болып қалған тұрғындардың төзімі таусыла бастаған сыңайлы. Олар әкім-қараларды көрмедік, бізге көмек жетіспей жатыр деп дабыл қағуда. Баспанасын тастап шыққан жандардың жағдайы қалай?

Ал осы Мақтааралдағы бүлінген үйлер мен қырылған төрт түлікті есептеу үшін Премьер-министрдің бұйрығымен арнайы Үкіметтік комиссия құрылды. Ол өз кезегінде су басудың алдын алу үшін қажетті жұмыстарды жүргізетін болады. Комиссия төрағасы болып премьердің орынбасары Роман Скляр тағайындалды. Ал, Түркістан облысының әкімі Өмірзақ Шөкеев жағдайды бағамдап, келіссөз жүргізу үшін Өзбекстанға шұғыл аттанып кетті. Қиын жағдайға тап болған ауданға еліміздің түкпір-түкпірінен тонна-тонна …

Карантин кезіндегі кезек. Мамандандырылған халыққа қызмет көрсету орталығы жұмысын жандандыруға дайын болмай шықты. Таңертеңнен көлігінің құжаттарын рәсімдеуге келген Ақтөбенің тұрғындары осылай деп байбалам салды. Қауіпсіздік талаптары тұрмақ, қарапайым кезекті сақтамай, иін тіріскен жұрт қақпа алдына топырлады. Шарасыздықтан мекемедегілер полицейлерді шақыртуға мәжбүр болған.

Елдегі төтенше жағдай кезінде нәпақасынан айырылған талдықорғандықтар үшін жағымды жаңалық. Облыста 500 адамды жұмыс орнымен қамтамасыз етуге қауқарлы жаңа агрокешен ашылды. Өңірдегі ең үлкен кәсіпорын майлы дақылдарды өңдеумен айналысады екен. Зауыттың ашылу салтанатына біздің түсірілім тобы да барып қайтты.

Киім үшін көкала қойдай сабап тастады. Павлодарлық бойжеткендердің төбелесі жазылған видео әлеуметтік желілерге тарап кетті. Кадрдан жеті қыздың қатарласына тиісіп, соққыға жыққанын көруге болады. 20 жастағы бұрымдылар кейін полиция қолына түссе де, мұнысымен қоймай, бөлімше ішінде ішімдік ішкен. Енді олар өздеріне жала жабылғанын айтып, суицид жасайтындарын алға тартуда. Ал басты күдіктінің қашып кеткені рас па? Күдіктілердің ата-анасы не айтты?

Кім Сенат спикері болады? Өткен сенбіден бері Қазақстанның саяси өмірінің басты тақырыбына арналған болжамдарға нүкте қойылды. Бүгінге дейін Президент Әкімшілігі басшысының бірінші орынбасары қызметін атқарған Мәулен Әшімбаев Парламент Сенатының төрағасы болып сайланды. Мемлекет басшысы Қасым-Жомарт Тоқаев оны алдымен сенатор етіп тағайындап, содан кейін спикерлікке ұсынды. Жоғары палата депутаттары жасырын дауыс беру арқылы кандидатураны қолдады. Сонымен, үш қыздың әкесі, 49 жасында …

Шаш қысқартып, киім алатын күн! Бүгіннен бастап мегаполистер мен аймақтарда халыққа қажетті бірқатар нысанның жұмысы жанданды. Олардың арасында шаштараз, халыққа қызмет көрсету орталықтары, гүл сататын дүңгіршектер мен шағын киім-кешек дүкендері де бар. Алайда карантин тәртібі жеңілдеді екен деп, арқаны кеңге салуға әлі ерте. Сондықтан мамандар қандай жағдай болмасын, санитарлық талаптарды қатаң сақтауға шақыруда.

Көкшетауда 82 және 77 жастағы ерлі-зайыпты қарт кісілерді асқан қатігездікпен өлтіріп кетті. Пәтерде қансырап жатқан марқұмдардың мәйітін туған қызы тауып алған. Ұлдарының айтуынша, түн ортасында балконнан үйге кірген қаскүнем қарт әке-шешесін әбден қинаған көрінеді. 10 бала өсірген жандар жаңа үйде үш жыл бойы екеуі ғана тұрған екен. Балалары қанша өтінгенімен қолдарына барудан бас тартыпты. Сұмдық оқиғадан бес күн бұрын белгісіз …