Новости

Төтенше жағдай кезінде полицейлер зардап шегуде. Түркістан облысында карантин талабын бұзған жүргізуші үш бірдей тәртіп сақшысын қағып, оқиға орнынан ізін суытты. Алайда, қаскөй құтылмады. Бүкіл полиция бөлімшесінің күші жұмылдырылып, күдікті ұсталды. Ол ішімдік ішіп қана қоймай, есірткі де пайдаланған. Осы тектес оқиға төтенше жағдай енгізілгелі елімізде көбейіп кетті. Бірі қоғамдық тәртіпті қадғалаған полицейдің жағасына жармасса, өзгесі дене жарақатын салуға дейін …

Елімізде короновиурсқа қарсы енгізілген шектеу шаралары омарташыларға да оңай болмай тұр. Көктемнен қоңыр күзге дейін бал арасын баптаумен айналысып жүрген кәсіп иелері осы күні табиғат аясына шыға алмай жүр. Олар қолдарында тиісті құжаттары бола тұра, арнайы қойылған блокпостан өте алмай жатырмыз дейді. Соның кесірінен омарташылар миллиондаған шығынға батуы мүмкін.

Ақтөбеліктер енді бұрынғыдай дүкенге қалаған уақытында барып, сауда жасай алмайды. Қалада бүгіннен бастап карантин тәртібі күшейтілді. Аймақта коронавирус жұқтырған саны күн санап артуда. Мамандар бұған тұрғындардың жауапсыздығы себеп дейді. Ал облысқа қарасты ауылдардың бірінде кейуаналар жиналып, коронавируспен өздерінше күресіп жатыр.

Елдегі төтенше жағдайға қарамастан, Талдықорғандағы «Шапағат» базарының саудагерлері бас көтерді. Еш ескертпестен ет павилионын жауып, жұмыс орнынан айырған басшылыққа наразы. «Жөндеу жұмыстарын жүргіземіз» деп, заттарын да далаға шығарып тастаған екен. Ашынған сатушылар арнамыздан араша сұрап, мәселенің мән-жайын анықтап беруді өтінді.

Өмір бойы тірнектеп жинаған қаржымыз азаюда. Қазақстандықтар зейнетақы қорындағы ақшаларының күннен күнге кеміп бара жатқаны жайлы шағымдануда. Тіпті, арызданғандар арасында қаржымыз төтенше жағдай кезіндегі әлеуметтік көмекке беріліп жатыр дегендер бар. Бұл ақпарат қаншалықты рас? Зейнетақы қорындағыдар не дейді?

42500 теңгенің жай-жапсары белгілі болды. Енді Үкімет карантин кезінде қиындыққа тап болған кейбір санаттағы азаматтарға коммуналдық ақы үшін 15 мың теңгеден беретін болды. Бірінші кезекте бұл қаражаттан Атаулы әлеуметтік көмек алатын азаматтар үмітті. Сондай-ақ тізімге 1-ші, 2-ші және 3-ші топ мүгедектері, көпбалалы отбасылар, Ұлы Отан соғысының ардагерлері, ең төменгі зейнетақы алатын зейнеткерлер мен жарымжан баласы бар отбасылар да іліккен. Мұндай …

Тараздықтар карантин кезінде сусыз қалуы мүмкін! Қаланы таза ауыз сумен қамтамасыз ететін мекеменің екі жүзге жуық қызметкері жұмыс істеуден бас тартып отыр. Өйткені, не жалақы жоқ, не қарапайым вирустан қорғайтын бетперденің өзі берілмейді. Ал басшылыққа наразылық білдіреміз деп жиналған жұмысшылар соңында өздері кінәлі болып қалған. Себебі, олар карантин талаптарын бұзған.

Теңіз кен орнында толқу. Өткен түні желілерде Болашақ вахталық ауылында болған оқиғаға қатысты түрлі видео тарады. Бір ғимараттың алдына жиналған жұрт терезелерді сындырып, балағат сөздер айтқан. Бұл не жиын? Түн ортасында теңіздіктерді не түлен түртті? Әріптесім Әсем Изатқызы скайп арқылы студиямен тікелей байланысқа шығып, батыста болған бұл бүліктің себебін түсіндіреді.

Алматы облысындағы ауруханада дау! Ауыл тұрғындары коронавирус жұқтырғандармен байланыста болғандарды емханаға жатқызуға қарсы шықты! Қарасай ауданына қарасты Елтай елді мекенінінің жұрты медициналық мекемеге басып кіріп, ішіндегі көрпе төсекті далаға лақтырып, терезелерді сындырған. Кенеттен бас көтергендер енді полицейлерге жауап беруде.

Карантин тәртібі қайда? Төтенше жағдай кезінде моншаға түсіп, көңіл көтерген жемқорлыққа қарсы іс-қимыл агенттігінің қызметкерлері ұсталды. Ұлттық бюроның Ақмола облысындағы өкілдері полицейлердің ескертуін елемей, тәртіп сақшыларымен келіспек болған. Әсіресе, білдей бір басқарма жетекшісінің оғаш әрекеті жұрттың ашуын тудырды. Талапқа бағынбай, тәртіп сақшыларымен жартылай жалаңаш күйде сөз таластырған мамандар қалай жазаланады? Әріптестері олардың әрекетіне қатысты не айтты?