Новости

Павлодар облысындағы блокпостта жүк көлігінің жүргізушісінен пара сұраған Арнайы жедел әрекет ету жасағының қызметкері жұмыстан босатылды. Оқиғаның видеосы әлеуметтік желілерге тарап кеткен. Мұны интернетке автомобиль рөліндегі ер адамның өзі жүктеген.

Елімізде төтенше жағдай режимінің уақыты ұзартылды. 15 сәуірге дейін белгіленген режим Мемлекет басшысының тапсырмасымен осы айдың соңына дейін созылады. Төтенше жағдай жөніндегі мемлекеттік комиссияның отырысында Қасым-Жомарт Тоқаев осындай пәрмен берді. Президентің сөзінше, еліміз коронавируспен ауырудың шарықтау шегінен әлі өткен жоқ. Сондықтан, індетке қатысты жағдайды жеңілдетуге болмайды. Осы себепке байланысты карантин режимін елордада, Алматы мен Шымкентте және тиісті облыстарда сәуірдің аяғына …

Атырауда карантинде жатқан отандастарымыз шағым айтып жатыр. Стамбулдан келген бір топ жолаушы алғашқыда жергілікті университеттің жатақханасында болдық дейді. Онда бір қабатта ортақ дәретхана, душ болса керек. Келгендердің біреуінен вирус анықталып, карантин мерзімі тағы созылған. Бірақ, бұл жолы жаңадан салынған көппәтерлі үйге жіберіпті. Арнамызға хабарласқан студенттердің сөзінше, ол үй жаңа болған соң жылуға қосылмаған.

Уәде етілген үстемақымыз қайда? Төтенше жағдай кезінде үй-күйін ұмытып қызметте жүрген ақ халаттылар наразылықтарын білдірді. Олар денсаулық сақтау ұйымдарының қызметкерлеріне қаржылық қолдау үшін бөлінді деген 425 мың теңгені алмадық деп шу шығарды. Қауіпті топқа ене тұра айлығымызға ақша қосылмады дейді. Наразылықтарын білдірген дәрігерлер кімдер? Жедел жәрдем қызметіндегілерді басшылық неге алалайды?

Екі өлім, бір өмір! Павлодар облысы мен Алматы қаласында коронавирус жұқтырған екі адам көз жұмса, Қызылордада осы індетпен ауыратын келіншек дүниеге сәби әкелді .Ал марқұмдардың жасы 84 және 64 — те болғаны анықталды. Екеуі де созылмалы дертке шалдыққан екен. Дерт турасындағы соңғы деректермен әріптесім Нұржан Сәдірбай үйінен тікелей эфирде айтып беруге дайын.

Карантиннің кесірінен қып-қызыл шығынға баттық деп түркістандық шаруалар шырылдап жатыр. Олардың өнімін егістіктің басынан алып кететін алыпсатарлардың дені өзге елдің азаматтары екен. Қазақстанға кіре алмай, сауда саттық тоқтап қалған. Көкөністі көлікке тиеп, шет ел асыруға шамасы жоқ диқандар енді шенділерден көмек сұрап отыр. Тараптардың уәжін тілшіміз тыңдаған еді.

Төтенше жағдай режимі мен карантин мерзімі ұзартылғанына қарамастан, еліміздегі бірқатар кәсіпорындар мен шағын және орта бизнес өз жұмысын бастайды. Оның арасында егістік науқаны да бар. Кей өңірлерде диқаншылық маусымы басталғанын ескерсек, шаруаларға тиісті жеңілдіктер жасалу қажет. Бұл жайлы Төтенше жаңдай жөніндегі мемлектетік комиссияның отырысында Қасым-Жомарт Тоқаев мәлімдеді. Президентің сөзінше, карантин кезінде зиян келген экономиканы аяққа тұрғызу керек. Сонымен қатар, коронавируспен …

Әлемде коронавирус пандемиясының таралуына байланысты көптеген елдердің карантин енгізгені белгілі. Алайда, БҰҰ бас хатшысының айтуынша, мұндай оқшаулау шаралары тұрмыстық зорлық-зомбылықтың өсуіне себеп болуда. Біздің елде де жағдай мәз емес екені белгілі.

Алматыда халық автобусқа аузы-мұрны тола мініп жатыр. Өйткені жеке көліктердің анықтамасыз жүруіне рұқсат жоқ. Амалы құрыған жұрт карантин кезінде арақашықтық сақтамақ түгілі, діттеген жеріне жете алмай әлек. Қоғамдық көлік жолаушыларының арасында уақытын бос өткізіп жүргендері де жетерлік екен.

Әйелдер де әскери жиынға шақыртылуы мүмкін. Бұл мәселе әзірге нақтыланып жатыр. Ал қос мегаполис пен 4 өңірде әскери міндетті ер азаматтар қызметтеріне кірісіп кетті. Олар үш бағыт бойынша, дезинфекциялау, блокпосттар мен ішкі үйлестіру жұмыстарына тартылуда. Жиынға арнайы шақыртылғандардан бөлпек, өз еріктерімен келген азаматтар да жоқ емес екен. Олар кімдер?