Новости

Қостанай облысындағы балабақшада азаматтық некедегі әйеліне 22 рет пышақ сұғып, оны бір көзінен айырған 42 жастағы қаскөйге сот үкімі шықты. Судья оны 9 жылға бас бостандығынан айырды. Ол жазасын қатаң режимдегі колонияда өтейді.

Қызылорда облысында жөндеуден өткен мәдениет үйінің шатыры қатты желге шыдас бере алмай құлап қалды. Мекеме басшылығы мұны табиғаттың тосын мінезі десе тұрғындар сапасыз өткен жөндеу жұмыстары деп отыр. Жалағаш кентінде былтырғы жылдың қараша-желтоқсан айларында Қазантаев атындағы мәдениет үйінің шатыры толық ауыстырылған екен. Міне араға 3 ай салып жөндеуден өткен ғимараттың шатырының 200 шаршы метрі ұшып кетті.

Алматы облысында «Covid-19» індетін жұқтырған науқастың жағдайы жақсы. Қарасай аудандық ауруханасында емделіп жатыр. Бірақ, жаман айтпай, жақсы жоқ. Облыстық денсаулық сақтау басқармасы инфекцияның үдеп кетпесі үшін нақты 10 сақтық шарасын қабылдады. Егер аймақта вирус жұқтырғандардың саны артса, жұрт жатқызатын жер таппай сабылып қалмайды. Бөлек-бөлек бокстарда 150 төсек-орын дайын тұр. Сонымен қатар Алматы облыстық денсаулық сақтау басқармасының ұйымдастыруымен блок-бекеттердің жанына медициналық …

Сіздер «БАСТЫ ЖАҢАЛЫҚТАРДАН» хабардар болсын деп, біз жұмыс жасаймыз! Өтінеміз, үйде болыңыздар! «Еуразия» бірінші арнасын көріңіздер.

Елордадағы жұрт арасында «Лесозавод» атап кеткен елді мекен көшелері көктем келісімен су астында қалды. Тау болып үйілген қар еріп, тұрғындардың үйлеріне кіріп жатыр. Тіпті, кейбір баспаналар құлаудың сәл-ақ алдында тұр. Әкімдіктен қайран болмады деген әлеумет өз беттерінше қабырғалары сөгілген үйлерін жамап-жасқап әлекке түскен. Бірақ, сонда да атқамінерлер қол ұшын созбаса, үйіндінің астында қаламыз ба деп алаңдайды. Одан бөлек, өркениеттен қол …

Талдықорғанда «Шаған» базарының саудагерлері шу шығарды. Жүзге жуық адам жиналып, төтенше жағдайға байланысты базардың жабылуын талап етті. Наурыздың 16-сынан бері саудалары жүрмей жатқан көрінеді. Сондықтан, аренда төлеуге де шамамыз жетпейді. Базар әкімшілігі осы мәселені ескерсін деп отыр. Ал, бұған қатысты базар басшылығының уәжі қандай?

Анық әрі дәл ақпарат берілмеген кезде, алып-қашпа әңгіме пайда болады. Ол өз кезегінде жұртты дүрліктіреді. 13 наурыз. Қазақстанда алғашқы вирусты жұқтырғаны азамат туралы айтылды. Одан бері күнделікті дертпен күрес, жаңа фактілер жайында хабарлап келеміз. Бүгін, әріптесім Айбек Қосан жұқпалы аурудың алдын алумен айналысып келе жатқан мамандармен кездесіп, ковид-19 жайлы тағы бірер деректерді біліп көрді.

Вирусты жұқтырып, көз жұмған әйел елорда іргесіндегі Қосшы ауылының тұрғыны болып шықты. Марқұм соңғы күндері Алматы мен Шу қалаларында қонақта болған екен. Қазір онымен байланыста болғандар оқшауланған. Аурухана карантинге жабылды. Жағдайға байланысты бас қалада қауіпсіздік шаралары күшейіп жатыр. Қоғамдық көлік мүлде тоқтауы мүмкін.

Шымкентте карантинге жабылған елдімекенге кешеден бастап азық-түлік жеткізіле бастады. Абай ауданы әкімдігінің ұйымдастыруымен тұрмысы төмен 50 отбасыға әлеуметтік пакет үлестірілген. Бұл жұмыс алдағы уақытта жалғаспақ. Алайда, үйлеріне алаңсыз кіріп-шығып үйренген жұртқа бұл қиынға соғуда. Олар ауылды тұтас оқшауға алмас бұрын,алдымен халықты қажетті заттармен қамтамасыз етсін дейді. Өйткені, ауыз судың өзі жеткіліксіз көрінеді. Мұнан бөлек, кешелі бері қала әкімінің пәрменімен үшінші …

Карантин талабын сақтамағандарды полицейлер таяқтын астына алып, әкім-қаралар тұрғындарға дауыс көтеруге мәжбүр. Бұл әлем елдерінде тіркелген мәжбүрлі шаралар. Тіпті вирустан көз жұмғандар саны бойынша Қытайды басып озған Италия билігі өмір бойғы карантин жариялауы мүмкін. Қазір жер жүзін жайлаған пандемияны жарты миллионға жуық адам жұқтырыпты. Жайсыз статистиканың көшін бүгін АҚШ бастады. Бұл елде індет 86 мың адамнан табылыпты. Қауіпті вирустың таралуы …