Новости

300 миллиард теңге! Елдегі бір айға созылатын төтенше жағдай кезінде кәсіпкерлерді қолдауға осыншама сома қарастырылуда. Қыруар қаржы елдегі короновирустың одан әрі өршімеуіне де бөлінбек. Осының бәрін Президент Қасым-Жомарт Тоқаев халыққа арнаған үндеуінде мәлімдеді. Жалпы 30 күнге созылатын ерекше режимде неге тыйым салынады?

Коронавирус жұқтырған алматылық келіншек қылмыстық жауапқа тартылды. Ол өзімен байланысқан тұлғалар мен қайда болғаны туралы ақпаратты беруден бас тартуда. Қылмыстық кодекстте көрсетілгендей, өзінің жақындары мен таныстарына қауіп төндірген азаматша 2 жылға дейін бас бостандығынан айырылуы мүмкін. Кіммен, қалай, қашан байланысқанын жасыратындай жасын келіншек соңғы күндері қайда болуы мүмкін?

Вирусқа қарамастан жұмысымызды жалғастырамыз! Мәжілісмендер бүгін әдеттегідей Үкімет сағатын өткізді. Біразы сақтықта қорлық жоқ деп, маска киіп келсе, өзгесі, әріптестеріме сенемін дегендей, ашық жүр. Қазір төменгі палата ғимаратына кіретіндердің дене қызуы өлшенетін болыпты. Қол алысуға да шектеу қойылса керек. Дегенмен дауласып қалған депутаттар ештеңеге қарамай қол қысуға әзірміз дейді. Дауласқаны қайсы?

Дәл осы коронавирустен қауіптенген жұрт кей жерлерде базар сөрелеріндегі азық-түлікті таласып алып жатыр. Ал, осыған қатысты жауап берген Сауда және интгерация министрі Бақыт Сұлтанов, бірде-бір сауда орны жабылмайды, тауық қалай жұмыртқа туса, сиыр солай сауыла береді деді. Шендінің сөзінше, қап-қап тауар алып, қор жинаудың қажеті жоқ. Сондай-ақ, қалыптасқан жағдайға байланысты Мемлекет басшысы Үкіметке бірқатар тапсырма берді.

Коронавирус Қытайдан таралғалы бері, елімізде үш айдың ішінде 3,5 мыңдай адамнан сынама алыныпты. Барлық зерттеулер өзімізде жүргізілсе керек. Әлбетте зертханадағы қызметкерлердің жұмысы көбейгендігі анық. Тілшіміз Олжас Сайлаубекұлы солардың біріне барып, зерттеу жүргізіліп жатқан қауіпті блокқа кіріп, процессті өз көзімен көріп келді. Елордадағы орталықтың жұмысы жайлы өзі айтып берсін.

Әлем жұртының төбе шашын тік тұрғызған коронавирус біздің елге де жетті. Қауіпті індет Германиядан келген екі отандасымыздан анықталыпты. Қазір олар Алматыдағы стационарлардың біріне жатқызылған. Елжан Біртановтың мәлімдеуінше, инфекцияға шалдыққандармен бірге ұшып келген 73 жолаушы қазір іздестіріліп жатыр екен. Жалпы еліміз вирусқа төтеп беруге қаншалықты дайын? Инфекцияға шалдыққандардың жағдайы қалай?

Миллиондарын қолымен санап беріп, далада қалды. Салымшылар құрылысы жүріп жатқан үйге қыруар ақшасын салған. Алайда үй де, жоқ, баспанада жоқ, сенделіп жүргендеріне жарты жылға жуықтап қалыпты. Ал құрылыс әлдеқашан тоқтап қалған. Компания басшысы алдап кетті деген тұрғындарға енді кім көмектеседі? Ақшаларын қай тарып ала ма?

«Сақтансаң – Құдай сақтайды!». Коронавирустен қорғану үшін Қазақстан мұсылмандар діни басқармасы да сақтық шараларын күшейтті. Мәселен, жұма намазына қатысты бірқатар шектеулер енгізді. Бүгін имамдар әдеттегідей жұма намазының алдында жамағатқа арнап уағыз айтпады. Уақыты кіре сала азан айтылып, 4 ракағат сүннет өтеліп, артынан бірден 2 ракағат парызы қысқа сүремен оқылды. Тәсбих тартылып, құран оқылмады. Бұдан бөлек, дін өкілдері мешітке келушілерге намаздан …

Әлемдегі коронавирустық ахуалға байланысты шетелдерге ұшатын рейстердің саны азайтылды. 16 наурыздан бастап Қазақстан мен бірнеше мемлекет арасындағы тұрақты рейстердің біразы тоқтатылады. Атап айтар болсақ, Германия, Ұлыбритания, Нидерланд, Венгрия, Чехия, Польша, Түркия, Украина, Беларусь, БАӘ және Грузияға ұшатын ұшақтардың саны қысқаратын болды. Байқасаңыздар, дені — Еуропа елдері. Осы мемлекеттерге баруды жоспарлап, 16 наурыздан кейінгі бір күнге билет алып қойып, ол рейс …

Коронавирус қаупіне байланысты балаларына қарау үшін үйінде отыруға мәжбүр ата-аналардың бірі ақылы еңбек демалысына жіберілуі мүмкін. Ақордада Шұғыл әрекет ету штабының кеңесін өткізген Мемлекет басшысы Қасым-Жомарт Тоқаев құзырлы органдарға осы мәселені пысықтауды әрі жұмыс берушілерге түсіндіруді тапсырды. Айта кетейін, 16 наурыздан бастап оқушылар көктепгі каникулға кетіп, студенттер қашықтан оқытыла бастайды. Ал, балабақшалар қалыпты режимже жұмыс істей береді. Дегенмен, Білім саласының …