Новости

28.02.2020 Сауд Арабиясы коронавирустың таралуына байланысты 7 мемлекетке электронды туристік визаны беруді уақытша тоқтатты. Оның ішінде біздің еліміз де бар. Бұл қара тізімге коронавирустың жағдайы әлі тіркелмеген Қазақстанның неліктен кіріп кеткені белгісіз. Сондықтан, елдегі мұсылман қауымы жыл бойы жалғасатын умра, яғни кіші қажылыққа уақытша бара алмайды. Ал, қауіпті індетті жұқтырғандар көрші Қырғызстан мен Беларуссияда тіркелді. Осы орайда, Мемлекет басшысы Қасым-Жомарт …

28.02.2020 Аптасына бір үй тоналады. Қазір үйде жалғыз қалудан қорқамыз. Осылай деп дабыл қаққан. Боралдай шағын ауданының тұрғындары біздің арнадан көмек сұрады. Айтуларынша сұғанақтардың есіргені соншалық тап тал түсте келіп, үйлерді тонап кетеді екен. Бүтін бір шағын ауданның тұрғындарының полицияға көңілдері толмай отыр. Ал полицейлер осы ауылға жиі ат ізін салудың арқасында үй тонау азая бастады деп отыр.

28.02.2020 Павлодар облысы Ақсу қаласында жойқын жарылыс болды. Жоқ, арам пиғылдының ісі болса да, бұл теракт емес. Ақшаға кенелгісі келген адам банкоматты жарып жіберді. Сөйтіп, банк бөлімшесінің быт-шытын шығарды. Ойлағанын іске асыру үшін айлакер динамит сатып алып немесе қашықтан басқарылатын құрылғыға тапсырыс беріп әуре болмаған. Жарылғыш затты қолда бар қарапайым дүниелерден жасапты. Сонымен, қарақшы қанша ақша ұрлады? Жарылыстан зардап шеккен …

28.02.2020 Тоңазытқышта көз жұмған сәбидің өліміне қатысы бар шенеунік айыппұл төлеп, құтылатын болды. Атырау облыстық Денсаулық сақтау басқармасының бұрынғы басшысына қатысты осындай сот үкімі шықты. Қызметіне салғырт қарады деп айыпталған Мәншүк Аймұрзиева ел қазынасына 5 миллион теңге төлеуге міндеттелді. Бірінші сот отырысында басқарманың экс-жетекшісі кінәсін толық мойындап, процессуалды келісімге келу туралы өтініш білдірген.

28.02.2020 «Көршілерімізді қарусыз қыратын киллерге айналамыз ба деп қорқамыз». Бұл Ақмола облысындағы Макинск шаһары тұрғындарының жанайқайы. Өркениеттен жұрдай жұрт 21-ғасырда жоғары қабатқа көмір тасып, күл шығаруға мәжбүр. Бір-бірлерінің пәтерлері арқылы өтетін мұржалар әбден тозған. Астыңғы үйде от жағылса, үстіңгілерінің баспаналары көк түтінге айналады екен. Жұртты титықтатқан мәселені шенділер неге шеше алмай отыр?

Қазақстан айдалада жатқан арал емес! Коронавирус бізге де жетуі мүмкін! Әзірге індетті алдын алудан басқа қолдан келер қайран жоқ. Денсаулық сақтау министрі осылай деп бүгін Бұқаралық ақпарат өкілдеріне сұхбат берді. Қазіргі ахуалды баяндай келе ол «Қазақстан коронавирус дерегін жасырып отыр» дегендерге жауап қатты.

Өскеменде балалар мінген жолаушылар автобусы жүк көлігіне соқтығысып, 8 адам ауруханаға жеткізілді. Олар Шемонаиха қаласына жарысқа бара жатқан көрінеді. Бір баланың жағдайы ауыр, басы жараланып, миына зақым келген ол жансақтау бөлімінде жатыр. Полицейлердің сөзінше, жолаушылар автобусына арнайы патруль көлігі ілесіп жүргеніне қарамастан, жүк көлігі жылдамдықты асырып қарсы бағытқа шығып кеткен.

Елордада қолайсыз ауа-райының кесірінен бір адам қаза тапты. 51 жастағы трактор жүргізушісі көліктер соқтығысқанын өзгелерге ескертпек болғанда, ұйытқып соққан қарлы боранда оны ауыр жүк көлігі қағып кетіпті. Қатты соққыдан азамат сол жерде жан тәсілім етті. Полицейлер соңғы тәулікте жол апаты күрт көбейді, дейді. Сондықтан қала тұрғындарын сақ болуға шақырды.

Жыл сайын елімізге 2 млн-ға жуық Өзбекстан азаматы келеді. Солардың 10-15 мыңы Қазақстан азаматтығын алып, қалып қойып жататын көрінеді. Яғни, 10 жылда 150 мың өзбекстандық қазақстандық атанады деген сөз. Сонда алашапанды ағайындарымызды шекарадан заңсыз кімдер өткізіп жүр? Құжатсыз келімсектерден елімізге қандай қауіп бар?

Әнұранды қор қылып, мемлекеттік рәмізді мазақ еткен жастар желіде жаңа челлендж бастады. Гимннің әуенін бұрмалағаны былай тұрсын, соған ерсі би билеген олардың дені өз қаракөзіміз. Сол баяғы -хайп!. Алайда бұл жолғы орынсыз бастама айыпсыз қалмайын деп тұр. Іске тиісті министрліктің өзі араласты. Жұрттың ашуына тиген челлендж туралы әріптесім Нұрай Құрақпай сюжет дайындаған еді. Зер салыңыз.