Новости

Таразда мектеп дәретханасында 7-сынып оқушысын зорлаған педофилге қатысты сот үкімі шықты. Азғын мәжбүрлі химиялық кастрациядан бөлек, енді өмірінің 25 жылын темір тордың ар жағында өткізеді. Бұл елімізде қарастырылған максималды жаза екен. Қылмыстық істі қараған фемида өкілі дәл осындай шешім шығарды. Сондай-ақ, ол қыздың отбасына 5 млн теңге моральдық шығын төлеуге міндеттелді.

Алдағы уақытта елімізде кинотеатрлар қатары артып, алыс аудандарда де кино көрсететін орындар пайда болуы мүмкін. Бұл туралы Алматыда өткен Ұлттық киноны мемлекеттік қолдау орталығының жиынында мәлім болды. Осылайша еліміз бен әлемдік прокатқа шыққан туындыларды шалғай елдімекен тұрғындарының тамашалауына мүмкіндік тумақ.

Бұқаралық ақпарат құралдары заман талабынан қалып келеді! Қызылорда облысы әкімінің аппарат басшысы Ғалым Әміреевтің осы сөзі журналистерінің ашу-ызасын тудырды. Шенеунік Ютуб желісінде блогерлерге берген сұхбатында телеарналар мен газеттердің жойылуына сәл-ақ қалғанын сөз еткен. Мұнымен келіспеген Қызылордалық бір топ журналист шенеунікті дөңгелек үстелге шақырып, базынасын айтты.

Түркістан облысында шенеуніктердің кесірінен бүкіл ауыл ауыз судан қағылды. Ордабасы ауданы, Бадам елді мекенінде екі тәуліктен бері су жоқ. Аудан әкімдігіне қарасты сумен қамтамасыз ету мекемесі электр жарығын тарату компаниясына алдында қарызға белшесінен батқан. Сөйтіп, қыстың көзі қырауда мың шақты абонентті тіршілік нәрінен айырып отыр.

Ішкі істер министрі мен Шығыс Қазақстан облысының әкімі қызметінен босатылуы мүмкін. Ертең Президенттің қатысуымен өтетін Үкіметтің кеңейтілген отырысына қатысты қоғам белсінделері осындай болжам жасап отыр. Әдетте жаңа жылдың басында өтетін дәстүрлі жиында атқарушы биліктің жұмысына баға беріледі. Кейбір министрлер, әкімдер, тіпті Премьер-министрдің өзі мемлекет басшысынан сын естіп тарайды. Ал президент болғалы Қасым-Жомарт Тоқаевтың қатысуымен екінші рет өткелі тұрған кеңейтілген Үкімет …

Қытайдан шыққан қауіпті індет күллі әлемге тарай бастады. Коронавирустан қаза тапқандар саны бүгінде сәт сайын артып келеді. Соңғы деректер бойынша инфекцияны 570 адам жұқтырып, оның 17-сі қаза тапқан. Мамандардың айтуынша, қауіпті дерттің кәдімгі тұмаудан айырмашылығы жоқ екен. Тек соңы өлімге апаруы мүмкін. Коронавирустан қалай сақтанамыз? Бізде бұған қарсы вакцина бар ма?

Ақтүтек боран елорда көшелерін қар құрсауында қалдырды. Жол апаттары жиілеген. Полицейлер көліктерді қойып, автобустарға көшуге кеңес берсе, төтеншеліктер жұмыс уақытын қысқартуды ұсынуда. Қаладан шығар жолдар тарс жабылып, әуе рейстері кейінге шегерілуде. Бірақ оған қарамай жолға шығуды мақсат еткендермен тәртіп сақшылары барынша күресіп әлек.

Боранға байланысты 100-ден астам жолаушы тас жолдарда қалып қойған. Оларды құтқарушылар әлі де қауіпсіз жерге жеткізуде. Ірі трассаларды жапқанымен, тыңдамай шығып кететіндер баршылық. Ақтөбе, Ақмола, Қарағанды, Шығыс, Солтүстік Қазақстан облыстарында табиғат әлі екі күн «мінезін» көрсетпек.

Енді таксистер арнайы тексерістен өтуі мүмкін. Өйткені таяқ тастам жерге 60-70 мың теңге сұрап құныққандар шетелдіктерді сөйтіп қорқытып алатын көрінеді. Одан бөлек елімізде медициналық туризмді дамыту қолға алынбақ. Ауыр диагнозы бар пациенттерді емдеу үшін бізде де барлық жағдай жасалған. Оны шетелдіктерді тартудың басты тетігіне айналдыруымыз керек дейді дәрігерлер. Тіпті сол үшін тур агенттіктерімен бірлесіп жұмыс жасауды жоспарлап қойыпты.

Күні кеше ұсталған Байқоңыр ауданының әкімі пара ретінде соңғы үлгідегі смартфон және 4 млн теңге алған. Ал, Алматы қаласы Алатау ауданының бұрынғы әкімі мен оның орынбасары мемлекеттік бағдарламаға бөлінген қыруар қаржыны жымқырды және мердігер компанияларға «бас-көз» болу үшін ауызбастырық алды деп айыпталуда. Одан басқа ұсталған лауазымды тұлғалар кімдер?