Новости

Балалардың барлығына екпе жасау міндетті шара болуы мүмкін. Денсаулық сақтау министрлігі бұл норманы заң жүзінде бекітуді ұсынуда. Мәжілісмендердің біразы оған қарсы. Сапасыз екпе келсе, ұрпақты мүгедек етеміз, — деп алаңдайды. Себебі вакцинаны жеткізуші компанияларды алдын ала ескертусіз тексеруге болмайды екен.

Көптен күткен кездесу. Теннистен Дэвис кубогының аясында Қазақстан ұлттық құрамасы ертең өз алаңында Нидерланд командасын қарсы алады. Жігіттеріміз жеңіске жеткен жағдайда бірден беделді жарыстың финалына өтеді. Бүгін бас қаламызда екі құраманың ойыншылары кездесіп, жеребе тастады.

«Ардагер деген атымыз болмаса, затымыз жоқ». Кезінде Семей полигонында әскери борышын өтеген Түркістан қаласының азаматтары арнамызға арызданды. Олардың айтуынша бір жерде, бір қызметті атқарсақ та денсаулығымыздың сыр беруіне нақ осы полигон себеп болғандығын дәлелдей алмай келеміз дейді.

Банк есепшотын және жеке сәйкестендіру кодын бөгде адамға айтар кезде сақ болыңыз! Елімізде алаяқтықтың жаңа түрі етек жайып келеді. Әккі айлакерлер өз құрығына кішігірім бизнесі бар, төлемді карта арқылы қабылдайтын кәсіпкерлерді түсіреді екен.

Елімізде 18 жастағы аналардың өлімі 34 пайызға өскен. Бұл 21 жастағы қыздармен салыстырғанда 5 есе жоғары көрсеткіш. Ал, мамандар әйел өліміне қатысты жағдайдың барлығы жүктілік және босану процессіне дайын болмауынан деп дабыл қағуда. Расында, ана өлімінің жиілеп кетуіне кінәлі кім, әйелдердің өмірін құтқара алмаған дәрігерлер ме, әлде келмеске кеткен келіншектердің өздері ме тілшіміз тарқатады.

Елордадағы филармонияда 140 адамға жалған құжат жасалып, жалақы төленіп келген. Сондай-ақ концерттер мен жалға беру орындарынан түскен қаражат тиісті орындарға жетпей, баз-біреулердің қалтасын қалыңдатқан. Нұр-Сұлтан қаласы бойынша Экономикалық тергеу департаменті 2019 жылғы жұмыстарын қорытындылап, жемқорлық жайлаған мекемелердің ұзын-сонар тізімін ұсынды.

Әкімдік не министрлікке қарайтын орган басшылары парамен ұсталса, оларға жауапты орынбасарлар отставкаға кету туралы өтініш береді. Ал егер орынбасардың әрекеті әшкере болса, әкім, министр қызметтен кету туралы өтініш білдіруі тиіс. Әкім не министрдің өзі қылмыс жасаса, кім жауап беруі керек? Мемлекеттік қызмет істері жөніндегі агенттік өкілдері мен журналистер осы сауал төңірегінде біраз сөз таластырды.

Кешелі бері Алматыда коронавирусқа шалдыққан жүзден астам Қытай азаматтары ауруханада емделіп жатыр деген ақпарат лезде таралып, алматылықтардың үрейін ұшырған болатын. Тіпті бірқатар бұқаралық ақпарат құралдары аты-жөндері жазылған құжаттардың көшірмелерін жариялады. Бүгін осы мәселеге қатысты Алматының бас дәрігері журналистерді жинап, ресми мәлімет берді. Айтуынша, шынымен коронавирус кең таралған мемлекеттен келген жүзден астам адам карантинге жабылған. Күн сайын қауіпті аймақтардан келген жолаушылар …

Ал Оңтүстік Кореяда «коронавирус жұқтырды» делінген қазақстандық байланысқа шықты. Күні кеше «отандасымыз дәрігерлердің қойған диагнозын естігеннен кейін, ауруханадан қашып кетіпті. Қазір оның қайда жүргені белгісіз» деген ақпарат тарап еді. Одан бөлек, инфекцияға шалдыққандар Шымкентте де бар деген видео тарады желіде. Бұл қаншалықты рас?

Ақтөбеде шипажайға емделуге келген баланы тәрбиеші аяусыз ұрып-соққан. Жетімді жебеудің орнына жұдырығын ала жүгіретіндей 10 жастағы бала не жазып қойды? Әріптестері тәжірибелі маман деп мақтаған тәрбиеші неге оқушымен тіл табыса алмады?