Новости

Мыңдаған жұрт бірнеше күннен бері «Гарант 24 Ломбардтан» ақшасын ала алмай жүрсе, Алматыда жарнамаға сеніп, баспаналы болуды армандаған жұрт алданып қалды. Тұрғындар құжаты түгел, лицензиясы заңды компанияның басшылығынан ақшаларын қайтаруды талап еткен. Миллиондарынан қағылғандар саны жетпіске жуықтайды.

Көкшетау қаласының 40 мыңнан астам тұрғыны екі күн бойы ауыз сусыз отыр. Бұған себеп, орталықтандырылған кәріз жүйесінің істен шығуы. Қазір апаттың алдын алу үшін коммуналдық қызмет өкілдері күні-түні жұмыс істеп жатыр екен. Азаматтар болса судың тапшылығының артқаны соншалық қарды ерітіп пайдалануға мәжбүр көрінеді. Сонымен, көкшетаулықтар тіршілік көзіне қашан қол жеткізеді?

Елорда іргесіндегі Талапкер ауылының тұрғындары көктемде су астында қаламыз ба деп үрейленіп отыр. Себебі, биіктігі 5-6 метр болатын қар боран кезінде баспаналарын басып қалған. Әкімдіктен қайран жоқ, — дейді ашынған жұрт. Ал, кешегі оқу-жаттығу жиынында жауаптылар бізді ұмытып кетті деп налиды.

Өскемендегі балалар тіс емханаларының бірінен шу шықты. Электронды жүйе істен шығып, салдарынан 60 қызметкер 3 айдан бері заңды жалақысын ала алмай келеді екен. Бүгінге дейін қарыздың жалпы соммасы миллиондаған теңгеге жетіпті. Ал дәрігерлер наразылық білдірмегенде, денсаулық сақтау басқармасы бұл мәселені білмейтін де еді.

Жүріп-тұра алмайтын бірінші топтағы мүгедектерді енді жеке көмекшілері қалаған жерлеріне апаруға, қажет болса қыдыртуға міндетті. Мүмкіндігі шектеулі жандарды үйден сыртқа алып шықпаса, оларға бұдан былай бір тиын да төленбейді. Мәселен, Талдықорған қаласында 700-ге жуық жеке көмекші бар. Оларға осыған дейін күніне 8 сағаттық жүйемен төлем жасалып келген. Ал, биылдан бастап, жаңа өзгеріске сәйкес, көрсетілген қызмет сағаты ғана есепке алынбақ. Бұған …

Әскери бөлімнен қару ұрлап қашқан сарбаздың сыбайластары ұсталды. Бүгін Ішкі істер министрлігінің өкілдері олардың кім екенін жайып салды. Сондай — ақ, басты күдікті Абылай Балғынбайдың соғыс жариялауға жеткілікті қару-жарақты бір күнде емес, айлар бойы қолды қылып келгені анықталды. Ең сорақысы, оның ұрлық әрекетіне кезекші де, басшылық та, бейнекамера да кедергі бола алмаған.

Бүкіл Қазақстанды шулатып жатқан «Гарант 24 Ломбард» атты мекеменің келтірген шығыны миллиардтап саналады. Қаржы пирамидасын құрғандарға қатысты 22 қылмыстық іс қозғалып, 3 адамға іздеу жарияланған. Полицейлер тағы мыңдаған арыз жазылады деп күтіп отыр. Өйткені тәркіленген келісім-шарттар көп көрінеді. Ал қыруар қаржы салып, аузы күйсе де кей жұрт неге шағымдануға асықпай отыр?

Басы дауға қалған Тараздағы №43 мектеп директоры уақытша жұмыстан босатылды. Білім және ғылым министрі Асхат Аймағамбетовтың өзі осындай пәрмен берді. Еліміздің бас ұстазы шу шыққан білім ошағының басшысы педагогикалық этикаға жат әдет жасағанын мойындады. Сондықтан бұл істі май шаммен қарауға уәде етті.

Көктем шығып, күн кұрт жылынса, еліміздегі 600-ден астам елді мекен тасқын судың астында қалуы мүмкін. Оған биыл қардың қалың түсуі себеп болып отыр. Үкімет отырысында шенділер аталған жерлерді еріген қар суынан аман алып қалудың жолдарын қарастырды. Құзырлы органдар тасқынға төтеп беруге қаншалықты дайын?

Тағы бір пирамида ма? Еліміздің бірнеше облысында «Гарант 24 Ломбард» атты мекеменің үстінен арыз жазылды. Ең азы 300 мың, ал өзгесі 12 млн теңгеден қағылдық деп отыр. Мекеме 3 айда ақшаңды екі есе көтеріп аласың, өтпей жатқан мүлкіңді қымбатырақ бағаға сатасың деп уәде беріпті. Алайда, бірнеше күн болды табыс жоқ, жер-жердегі басшылары тұтылып жатыр. Ал желіде жарнама жасаған жұлдыздар жұрттан …