Новости

Әне-міне дегенше өте шыққан биылғы жастар жылын қорытындылау басталды. Осының аясында Семей қаласында тұңғыш президент күніне арналған «Біздің №1» атты 19-шы жастар форумы өтті. Аталған шараға жергілікті атқарушы органдардың басшылары мен белсенді жастар қатысып, бірқатар мәселелерді талқылады.

Жер астынан жік шықты. Арнайы органдар Алматы метросын басқарып отырған тұлғалардың соңына тағы да май шам алып түсті. Бұл жолғы ұсталған фигурант, «Алматыметроқұрылыс» компаниясының директорлар кеңесінің төрағасы. Онсызда құрылысы 31 жылға созылған метроның Сарыарқа мен Достық стансаларын биыл мерзімінен бұрын аяқтау көзделген еді. Қайдам? Кешеуілдеуі мүмкін. Онымен қоса мыңға тарта жұмысшының айлығы да кешігуі ықтимал.

«Жоғары қызметте отырған шенеунік немесе тұңғыш президенттің немересі» пара берген жерінен ұсталды. Сенсеңіз де, сенбесеңіз де құжат бойынша дәл солай. Рөлге мас күйінде отырған азамат жол апатын жасап, оқиға орнынан ізін суытпақшы болыпты. Алайда, кейін анықталғандай өзін осылай деп таныстырған жүргізуші халықаралық іздеуде жүрген алаяқ болып шықты. Осыған дейін де бірнеше рет жалған құжатпен ұсталған екен. Сонда құзырлы орган қызметкерлерінің …

Алматының тарихи орталығында заманауи тұрғын үй салуға тұрғындар қарсы. Олар құрылыс компаниясымен біраз уақыттан бір келісімге келе алмауда. Осы мәселеге қаптысты кезекті қоғамдық тыңдау айқай-шумен аяқталды. Ал құрылыс компаниясы Қабанбай мен Назарбаев даңғылының қиылысынан элиталық үй салуды көздеп отыр. Тұрғындардың қарсылығына қарамастан құрылыс жұмыстарын бір аптадан кейін бастауды көздеп отырғанын жеткізді.

Гонконгтегі қақтығыс кезінде ұсталған Қазақстандық студент қазір тергеу изоляторында отыр. 19 жастағы азаматқа әзірге ресми айып тағылмапты. Ал жақындары жергілікті полицияның Әбілқайырға жала жауып отырғанын айтуда. Сыртқы істер министрлігінің мәліметінше, қаладағы шерулер әлі жалғасып жатқандықтан, студенттерге оқу келер жылға дейін тоқтатылды. Қазірдің өзінде 200-ден астам қазақстандық елге оралған. Ал, қамауда отырған отандасымыздың тағдыры не болмақ?

Сенсеңізде, сенбесеңіз де, кәмелеттік жастан бері қарайғы қазақстандықтардың 90 пайы несие алып көрген. Бұрындары несиеге жүгінетіндердің саны ай сайын деуші едік, қазір күн сайын артып келеді. халықты сүлікше сорған банктер берген қарыздың 30 пайызы тұтынышулық мақсатқа жұмсалған. Халық ипотека мен бизнесті қойып смартфон, телевизор, тоңазытқышты, тіпті киім алу үшін де несие рәсімдейтін болыпты. Оны қойып тамақтың өзін несиеге алып жейтін …

Елімізде еңбек дауы өршіп тұр. Нақтырақ айтқанда, 1,4 миллиард теңге! Еліміздегі кәсіпорындар жұмысшыларға осыншама сома айлық төлемеген. Жалақысымен бір отбасын асырап отырған қарапайым маманды жылдар бойы зар жылатқандар, мемлекетке де бой берер емес. Кәсіпорындар неге қарызға белшесінен батуда? Әлде банкрот қолдан жасала ма? Ал, төленбеген айлықты қалай өндіріп алуға болады? Келесі сюжетке зер салып көріңіз!

  «Жылу керек болса, дөңгелек үстел өткіз!» Ақтөбеде тоңып отырған жұртты тыңдауға келген шенеунік осылай деді. Бірдеңе түсіндіңіз бе? «Нұр Ақтөбе» ауданы тұрғындарының бүрсең қаққандарына бес жылдан асыпты. Жұрттың бармаған жері, қақпаған есігі қалмаған. Бірақ шағым неге ескерусіз қала береді? Мәселені дөңгелек үстелсіз шешу мүмкін емес пе сонда?

Қаншама жыл өтсе де, көп ауылда әлі су жоқ. 18 жылдың ішінде екі бірдей бағдарлама қабылданды. Бөлінген ақша 1 триллион теңгеден асады. Алайда, екі жарым миллион тұрғынның әлі күнге дейін таза ауыз суға қол жеткізе алмай отырғаны қалай?! Миллион, миллиард емес, триллионның сұрауы кімнен? Әлде сумен бірге құмға сіңді ме? Бұған қоса ел аумағында ішуге жарамды деген тек 5 су …

Мектепте жасөспірімдер арасындағы төбелестің соңы адам өлімімен аяқтала жаздады. Абырой болғанда, пышақ жарақатын алған оқушы аман қалған. Қазір ол ауруханада ем-дом қабылдап жатыр. Оқыс жайт қайда тіркелді? Зардап шеккен баланың жағдайы қалай? Төбелеске не себеп?