Новости

Қостанайда сұмдық жағдай тіркелді. Қаладағы қоқыстардың бірінен жаңа туған шақалақ табылды. Шала-жансар күйде. Нәрестені жергілікті тұрғын тауып алыпты. Ол сол мезетте жедел жәрдем шақырған. Дегенмен, дәрігерлер баланың өміріне араша бола алмады.

Өз әйелін сабап, өлтірмек болды деп айыпталған азаматқа шоу-бизнес өкілдері араша түсе бастады. Ксения Ашығалиеваны ешкім ұрған жоқ! Ол өз денесін гримдеп алып, күйеуіне жала жапқан! Ксенияның қайын атасы осылай деп мәлімдеді. Өнердегі достары Парвиз Назаров, Жәмилә Серкебаева да күйеуі Бауыржан Ашығалиевтің ондай айуандыққа бармайтынын жеткізді. Естеріңізге сала кетсек, бір апта бұрын күйеуімнен зәбір көрдім деген келіншек тергеудің сағызша созылғанына …

«Мектептерде домбыра сабағын енгізуіміз керек!» . Мемлекет басшысы Қасым-Жомарт Тоқаевтың бұл ұсынысы халықты біраз қуантқаны рас. Енді міне арада бірнеше ай өткеннен кейін, ерекше пәннің оқулығы да дайын болып, президентке таныстырылды. Жалпы бізге мұндай пән қажет пе?

Қант зауыты күлімсі исімен тұншықтырғаны былай тұрсын, енді бау-бақшасыз қалдыратын болды. Осы Алматы облысына қарасты Көксу ауданының тұрғындары осылай деп дабыл қағуда. Айтуларынша, арықтағы суға қызылша сығындысы араласып, өсірген көкөністері қурап қалған екен. Ал, зауыт басшылығы тұрғындардың бұл уәжімен еш келіспейді. Қайта жерді тыңайтатып жатырмыз дегенді алға тартты.

Қызылордадағы аялдамада көлік қаққан тағы бір бала бүгін бақилық болды. Жүгенсіз жүргізушінің кесірінен қаза тапқандар саны осымен төртке жетті. Ал кеше қаза тапқан ұл мен қыздың бір үйдің балалары екені белгілі болды. Бұл ақпарат қазақстандықтардың жағасын ұстатып, қара жамылған отбасының қайғысына ортақтасып жатыр. Ал кінәлі жүргіщуші кім? Полицейлер 20 жастағы жігіт туралы неге ешбір ақпарат бермей отыр? Ол да Үсенов …

Оралда көлік қағып қайтыс болған 10 жасар қыздың денесін мәйітхана мамандары басқа адамдарға беріп жіберген. Перзентінің сүйегін алуға келген қара жамылған отбасы бұны естіп есеңгіреп қалғандарын айтады. Ал, болашағынан зор үміт күттірген қаршадай қызды оралдықтар бүгін арулап ақтық сапарға шығарып салды. Жаяу жүргіншілер өткеліндегі жарық мәселесімен жақсы таныс жауаптылар болса жақын арада 11 қауіпті учаскілерінде көше шамдары орнатылатынын айтып отыр.

Елімізде жыл сайын бесіктен белі шықпаған 1000 жасөспірім қыздың 25-і өмірге сәби әкеледі. Нақтырақ айтсақ, мектеп оқушыларының туу көрсеткіші дамыған мемлекеттеріне қарағанда алты есе көп! Жуырда ғана Маңғыстау облысында 15 пен 19 жас аралығындағы қыздардың 160-тан астамының жүкті екені анықталды. Мектеп қабырғасында жүріп, етектерін ашатындар неге көбейіп кетті? Бұған қалай тосқауыл қоюға болады?

«Көңіл сыйса, бәрі сияды». Кейде елордалық жолаушылардың ұраны сол ма деп қаласың еріксіз. Негізі қаладағы автобустар көп дегенде 100 адамға ғана қарастырылған екен. Алайда Нұр-Сұлтандағы аялдамалардың біріне кешкі сағат жетілер шамасында барсаңыз, мүлдем басқа көрініске тап боласыз. Неге? Әлде бас қалада қоғамдық көліктер жетіспей ме? Оған жауапты компания өкілдері не дейді? Ал өзге өңірдегі жағдай қалай?

Қазақстанда өзімді үйімде жүргендей сезінемін. Швейцария Президентінің журналистерге ағынан жарыла айтқан сөзі бұл Еуропа елінің басшысы сапармен елордаға келіп, Ақордада Қасым-Жомарт Тоқаевпен кездесті. Қос президент алдына қылыш ала барған адам неге қобалжыды, қызыл кілем үстінде жүруге көпшілік неге қысылғды?

Жарты айдың ішінде жарты миллиард теңге айыппұл! Түркістанның тәртіп сақшыларының жүргізушілер мен жаяу жүргіншілерді жол ережесін сақтауды үйретуге осыдан басқа амалдары қалмаған сыңайлы. Қала облыс орталығы мәртебесін алғанға дейін жолдары шұрық-тесік, тіпті кейбір көшелер арнайы жол белгілерінен жұрдай болған. Содан болар, жүргізушілер де ереже сақтауға келгенде бас қатыра қоймапты. Енді қомақты айыппұл олардың ойын өзгерте ала ма?