Новости

Дәрігерлер жазалансын! Ақтөбеде 5 жасар қызынан қапыда айрылып қалған ата-ана осындай талап қойып отыр. Олар қаладағы үш аурухана бүлдіршінді қабылдамай, 8 сағат бойы сенделтіп қойғанын айтады. Бала төрт күн жөтеліп жүреді. Ата-анасы салқын тиген болар деп үйде дәрі береді. Тек бесінші күн дегенде емханаға, кейін қызуы түспеген соң жедел жәрдеммен ауруханаға әкелген. Жедел жәрдеммен әр ауруханының есігін қағып тентіреп жүргенде …

Бір әкім тегіс жолға зар болып, тікұшақпен ұшып жүр. Бір әкім керісінше, Шумахердей жылдамдықпен джип мініп шаң ілестірмеуде. Елордаға есеп беруге келген облыс басшыларының біраз сыры ашылып жатыр. Қазір жыл соңы жақындап, әр өңірдің әкімі жеткен жетістіктерін жіпке тізіп, алдағы жоспарымен бөлісіп жүрген кезі. Әзірге 4 әкім тілшілермен жолықты.

Латын әліпбиіне көшудің төңірегінде айтыс-тартыс әлі де жалғасуда. Мамандардың сөзінше, латынды оқығанда емес, жазуында кедергілер жеткілікті. Солардың бірі акут пен ноқат. Жалпы тіл жанашырларының аталмыш мәселеге қатысты ұсыныстарын тілшіміз Гүлнәзия Жалғасқызы тыңдап қайтты.

Елдің төрінде емес, пештің түбінде отырғандаймыз! Тұншығып жатыр астана, көрпедей жапты көк түтін! Бірер күннен бері Нұр-Сұлтанның аспанын торлаған көк түтінге қатысты пікір білдірмеген адам кемде кем. Теңеудің түр түрі айтылуда. Енді ше, күн суыды, пешке көмір шелектеп салынып жатыр. Түтінді қуар Сарыарқаның самал желі де қырсыққанда соқпай қалады. Бұл жағдай қала тұрғындарының мазасын алуда.

Арыс қаласының кішкентай тұрғындарына «Дегдар» қайырылымдық қоры жаңа ойын алаңы мен жабдықтар сыйлады. Игі іске атсалысқандар қаржыны «Алматы-менің алғашқы махабаттым» ретро-фестивальі аясында жинаған. Билет пен қайырылымдылық көмегімен 32 миллион теңге түсіпті.

Тапқан-таянғанымызды тамаққа жұмсаймыз! Одан қалды, бас-басымызда несие бар. Есеп-қисапқа салсақ, ел тұрғындары өз айлықтарына әрең дегенде күн көреді. Өйткені тамақтан бөлек, несиесі, өзге де қажетті шығындары бар. Ол дегеніңіз халықтың жартысынан көбі кедейшіліктің күйін кешуде. Неге халыққа қолжетімді болуы тиіс азық-түліктің бағасы тұрақсыз, оған қатысты депутаттар недей пікір айтты?

Елордаға экологиялық апат қаупі төнуі мүмкін. Әдеттегі қоқыс сияқты далаға тастауға болмайтын автокөлік шиналары жайлы айтпақпыз. Оны қайта өңдейтін зауыт банкрот болған. Кәсіпорын басшылығы мұны жасанды кедергі туғызып, әдейі тұншықтырудың нәтижесі дейді. Бірақ айыпталып отырғандардың мүлде басқа уәжі бар.

Ақымызды жемеңдер! Елордадағы саяжай тұрғындары осындай ұранмен қалалық әкімдік алдына жиналды. Бас қаланың билігі осыған дейін 115 саяжайды сүріп, орнына теміржол ауруханасын салу туралы шешім шығарған. Алайда бағалаушы компания 7 мың тұрғынның жеріне түкке тұрғысыз соманы белгілепті.

Фермерлерді қолдауы тиіс мамандар пара алудан жарысып жүргендей. Олай айтпасқа амал жоқ. Күні кеше Ұлттық холдинг басшы пара алып жатқан жерінен қолға түсті. Күдікке іліккен маман өңірдегі элеватор жайын шешіп беруі үшін ондаған кәсіпкерден бірнеше миллион теңгені алған. Биыл шілдеде ған «ҚазАгроны» Президент аямай сынап, реформа жүргізуді де тапсырған еді. Бірақ, былық әлі де баршылық. Қайтпек керек?