Новости

40 градус аяз келе жатыр! Синоптиктер алдағы 2 күнде температура күрт төмендейтінін жеткізді. Ал республикамыздың басым бөлігінде жағдай тұрақталған жоқ. Ақтүтек боран мен сықырлаған аяздан әлі де болса трассада қалып қойғандар жетерлік.

Мердігер мазақ қылды. Таразда көп қабатты тұрғын үйге күрделі жөндеу жұмыстарын жүргізген мекеменің басы дауға қалды. Өйткені құрылысқа жауаптылар тұрғын үйдің шатырын күн суытқанда ашқан. Сөйтіп толассыз жауған жаңбырдың салдарынан бірқатар пәтер жарамсыз күйге түскен. Бірақ шатыр жабылғанмен, ауа-райы күрт бұзыла қалса қып-қызыл шығынға батамыз деп отыр қараша. Құрылысқа бөлінген 100 млн ға жуық қаржы қайда кетті?

Қоғамды дүр сілкіндірген даулы жағдайлар болады ғой?!. Оған қатысты шорт кесіп шешімін шығару біз ойлағандай оңай емес. Терең зерделеу мен сараптаманы қажет етеді. Бастысы таразы басын тең ұстау маңызды. Бас прокуратура жанындағы құқық қорғау академиясының ғалымдары сын-қатерлер мен мәселелерді зерттеп жатыр. Заңдағы олқылықтар мен қайшылықтарды анықтап, қолданысқа енгізуде де сәтті қадамдар жасалып келеді.

Сарышұнақ аязда жолда қалғандар жылы баспаналарына оралар! Ал үй — күйі жоқ жандардың жайы не болып жатыр? Әсіресе, қысы қатты, суығы өңменіңнен өтетін теріскейлік қаңғыбастар құтқарылды ма?

«Ақтүтек боран, омбы қар, ызғарлы аяз». Елімізде ауа-райы күн өткен сайын нашарлап барады. Соңғы деректерге сүйенсек, республикамыздың 13 облысындағы 28 автожолда қозғалысқа тыйым салынып, 11 автобан ашылыпты. Жағдай әсіресе Қарағанды, Ақмола, Ұлытау облыстарында қиын. Мұнда мамандар қозғалысты қамтамасыз ету үшін күні-түні жұмыс істеп жатыр. Деген табиғат ана әзірге ырық берер емес.

Есті шығарған емші. Бір топ ақтөбелік тәуіптің сеансынан соң қарызға кіріп, сергелдеңге түсіп жүр. Ем — домнан соң қалай кредит алғанын білмей, өздері аң — таң. Әйел сыртқатына дауа іздеп келгендерден өзіне кредит алдырып, артынан борышты қайтармай кетеді екен. Алданғандарың арасында тіпті оның өз туыстары да бар.

АҚШ қазақ жерінің 70 мың шаршы метріне иелік етпек. Алматыда АҚШ консулдығының үй-жайын салу үшін алдағы уақытта 49 жылға жер телімі жалға беріледі. Мәжіліс осы заң жобасын жұмысқа алды. Одан бөлек. Төменгі палата отырысында халық қалаулылары шарықтап кеткен картоп бағасы мен отандық өндірушілердің жұмысын сынға алды.

2025 жыл әлем елдері үшін сәтсіз басталды. Өткен апта жаһан халқы Лос-Анджелестегі орман өртін уайымдаған еді. Бұл жолы Анадолы отқа оранды. Түркияның Карталкая атты танымал шаңғы аймағында қонақ үйлердің бірі өртеніп, ондаған адам тірідей жанып кетті. Өрт құрсауында қалып, шыбын жанын сақтау үшін 12 қабаттан секіріп, мерт болғандар да жетерлік. Арасында біздің отандастарымыз бар ма? Бұл апатқа ел президенті Ердоған …

Ақшамызды бер, әкімдік! Астанада бір топ жұмысшы ақ адал еңбегі үшін ақысын ала алмай әлек! Құрылыс басқармасымен келісімге отырған жандар қазір кредитін өтей алмай, қарызға белшесінен батқан. Олардың жалақысын беру үшін компания несие алып амалдап отыр екен. Тығырыққа тірелген мердігерлермен тілшісіз тілдесіп қайтты.

Қызылорда облысында киіктер қаптады. Арал ауданына қарасы Абай мен Сазды ауылдық округтарында жабайы жануар өрістегі шөпті қоймай жатыр. Мал бағып күнелтіп отырған ауыл тұрғындары төрт түлік малын қораға қамап әлек. Шөп-жемі жоқ жандар амалдың жоқтығынан малды далаға жібереміз дейді. Өрістегі шөпті аздық еткен киіктер ауыл ішіне де кіріп жатқан көрінеді. Азық таппаған әлсіздері ауыл маңайында қырылып жатыр екен. Шаруалар жауапты …