Новости

Елорданың элиталық аумағын бір тәуліктен артық жарықсыз қалдырған апатқа «Астана ЛРТ» компаниясы кінәлі болуы мүмкін. Бір сәтте қара түнекке енген Есілдің сол жағалауындағы төтенше жағдай туралы әкімдіктегілер осылай дейді. Ал, экономистер 24 сағатқа саудадан қағылған дүкендер миллиондаған табыстарынан айырылғанын айтады.

Теріскейде, Солтүстік Қазақстан облысында тұтас бір ауылды жұмбақ өлім жайлап барады. Әсіресе, соңғы үш жылда қара жамылған отбасы көбейген. Бақилық болғандардың дені жастар. Бұрындары кейбір өңірде бір ауыл жаппай ұйқыға кетіп жатқан еді, енді оянбай қалатын дерт шығыпты.

Мұхиттың арғы жағындағы саяси оқиға келесі жылы бізге зиянын тигізуі мүмкін. Бізге дегенім тек еліміз емес, бүкіл құрлықты айтып отырмыз. Бұл сөз елордаға жеткен шетелдік сарапшылардың аузынан шықты. Кешелі-бері Назарбаев орталығында Нұрсұлтан Назарбаевтың қатысуымен Астана клубының кезекті отырысы өткен еді. Еуразияны елең еткізуі тиіс не оқиға ол?

Төрт күнде бірнеше миллион теңге қазынаға құйылды. Алматы облысында кірістер, ішкі істер департаменті мен сот орындаушылары бірлесіп өткізген «Борышкер» акциясы аясында борышын өтеуден қашып жүрген біраз жүргізуші анықталды. Араларында қарызы бір миллион теңгеге таяп қалғандары да бар екен.

Алматы облысы Қарасай ауданы міндетті әлеуметтік сақтандыру жүйесіне өтуге толықтай дайын. 300 мыңға жуық тұрғыны бар елді мекеннің 98 пайыз халқы сақтандыру жүйесіне тіркелген. Сапалы медициналық қызмет көрсету мақсатында Қарасай аудандық орталық ауруханасы жаңа медициналық құрылғылар алып, дайындық жұмыстарын бастап та кетті. Бір айдан кейін инсульт орталығы да ашылады деп жоспарланып отыр.

Онсызда экологиялық апаттың зардабын аз тартпаған Арал қаласы тұрғындарының тынысы тарылып жатыр. Үйден шығып, терезе ашудан қалдық деп шулаған жұрт 24 сағат бойы қолқаны қабатын сасық иістен әбден мезі болғандарын айтады. Мәселе тек иісте ғана емес. Қазір ауылдың малдары да жаппай бірінен кейін бірі қырылып жатқан көрінеді. Басты себеп — елдімекеннен небәрі бір шақырым жердегі алаңға кәріз суы тәулік бойы …

Сегіз ай бұрын Қасым-Жомарт Тоқаев әкімдерге әлеуметтік желіге тіркеліңдер, халыққа жақын болыңдар деп пәрмен беріп еді. Іле-шала шенеуніктердің жаппай жеке парақша ашқаны да есімізде. Сол сәтте жалпақ жұрт облыстарды, ірі қалаларды одан қалды аудандарды кім басқарып отырғанын біліп, көріп қалып еді. Бірақ, содан бері шенеуніктердің бірі белсенді болып подписчик жинап алса, екіншілері тіптен желіден көрінбей кеткенге ұқсайды. Бұл не? Кезекті …

Астананың ең элиталық бөлігі жарықсыз қалды. Депутаттар, бай-бағландар тұратын қымбат үйлерді айтпағанда, Парламент, Үкімет үйі, тіпті Ақорданың өзі қараңғыда қалды. Басқасын айтпағанда, еліміздегі ең қауіпсіз стратегиялық нысан болып саналатын Ақорда қалайша жарықтан ажыратылып, шенеуніктердің күні дизельдік генераторға қарап қалды дегенге сену қиын. Бірақ дәл солай болды. Бұл «апатты жағдай» деп шұғыл мәлімдеме жасаған президент, кінәлі адамдарды тез арада анықтауды тапсырды. …

Жаңа діни форматтағы той. Әлеуметтік желіде бірнеше мәрте Меккеге барып келген қажының видеосы тарап, жұрттың қызу талқысына түсуде. Мақтанудан шаршамайтын қазақтың бұл тойына кімдер қонақ болды? Пайғамбардың ұрпақтары қатысқан діни тойды мүфтият не деп сынады?

Жұрттың есін шығарған жетелсаты проблемасы басқаны айтпағанда, бас қала Нұр-Сұлтанның өзінде шешімін таппай тұр. 700-ден астам пәтерге бар-жоғы 12 ақ лифт. Оның жартысы бір жылдан бері істемей тұр. 25 қабатта тұратын тұрғындар үйіне кіру үшін сағаттап кезек күтуге мәжбүр екендерін айтады. Айтпақша, күні кеше астанадағы тұрғын үйлердің бірінде лифт құлады деген ақпарат тарады. Оқиға қайда болған? Әріптесім Қайыркен Отыншы анықтауға …