Новости

Ресейліктер біздің «Дипломен ауылға» бағдарламасына қызығып отыр. Омбы қаласында өтіп жатқан Қазақстан-Ресей жастар форумында осындай әңгіме айтылды. Теріскейдегі көршілерде дәл біздегідей, 2020-ны «Жастар жылы» деп жарияламақ. Сондай-ақ, заманауи технологиялардың мүмкіндігіне арналған көрмеге отандық 17 компания өз жобаларып апарып, ресейліктерді таң-тамаша қылыпты.

Ақтөбе облысында боранды күні көлігімен жолда қалған адам қайтыс болды. Марқұм Тәжікстанның азаматы. 63 жастағы ер адамның Ресейден еліне қайтыс бара жатқан беті екен. Бақилық болған шетелдіктің өліміне не себеп? Жолдағы жағдай жақсарды ма?

Қазақ өнері ауыр қазаға душар болды. 81 жасқа қараған шағында Қазақстанның еңбек сіңірген артисі Раиса Мұхамедиярова өмірден озды. Өзінің табиғи сұлулығымен миллиондарды тамсандырған актрисаны қазақтың Джина Лоллобриджидасына теңеген. Жас актрисаға кезінде классик жазушы Ғабит Мүсіреповтің өзі ғашық болып, үйленген. #1tvkz #смотримвместе #жаңалықтар #бастыжаңалықтар #Қазақстан

Елімізде күн сайын 100 әйел тұрмыстық зорлық-зомбылықты бастан өткізеді. Ал ауылдағы әрбір бесінші отбасы үшін ұрып-соғу қалыпты жағдайға айналған. Мұндай статистиканы арнайы зерттеу жүргізген қоғам белсенділері келтіріп отыр. Ал дағдарыс орталығының мамандары қиын жағдайға тап болған қыз-келіншектердің саны артып жатқанына алаңдаулы.

Бала тауып бер! Ұл туып бер! Қазақстандық әйелдердің 20 пайызына бала көтеруге тыйым салынған. Алайда күйеулері мен туған-туыстарының қысымына шыдамаған нәзік жандар амалдары таусылып, өмірлерін бәйгеге тігіп өмірге нәресте әкелуге бекінеді. Мұндай жағдайларда не сәби өледі, не әйел көз жұмады. Медицина саласының мамандары бұл проблеманы ашық талқылайтын жағдайға жеттік деп отыр.

Омбыда Путин Тоқаевты қабылдауға дайындалып жатыр. 7 қарашада дәстүрлі Қазақстан-Ресей өңіраралық форумы өтеді. Омбы губернаторының дерегінше, осы жиынға дайындалу үшін, ғимараттардың сыртын қалпына келтіріп, жолдарды жөндеуге 1 млрд рубль шамасында қаржы бөлінген.

Талдықорғандағы алпыс жылдан астам тарихы бар «Саз» мектебі сенімгерлік басқаруға берілмек. Тіпті, осы күнге дейін тендері өтіп, келісім-шарт жасалып қойыпты. Директор да бұл туралы ұжымдағылардың ешбіріне тіс жарып айтпаған көрінеді. Мұны естігенде ұстаздар төбемізге жай түскендей болды деп отыр.

Бір үйдің кесірі 8 көп қабатты баспанаға тиюі мүмкін. Қарағандылықтар жаңа құрылыс нысанынан қауіптенуде. Сөздерінше, үй салынса, маңайдағы инженерлік желілер шыдамай жарылып кетеді. Онысы аздай, ауладағы қозғалыс қиындайды деп отыр.

Ақтөбеде шаруалар бас көтерді. Ереуілге шыққан жүздеген адам саябаққа жиналды. Фермерлердің митинг өткізуіне бұл жолы билік өзі рұқсат берген. Бейбіт шеруге келген шаруа қожалықтарының қожайындары қандай талап қойды? Митингке біз де қатысамыз деп құлшынған өзге өңірдің шаруалары неге сырт қалды?