Новости

Шымкентте бір отбасының екі баласы астан уланып көз жұмды. Алдын ала мәлімет бойынша, олар жартылай дайындалған тұшпара жеген. Одан бөлек сүттен дайындалған йогурт ішкен.Әзірге балалардың өліміне не себеп болғаны белгісіз.

Жұлынбаған тіс үшін дәрігер де, оның анасы да жазалануы мүмкін. Түсінгендеріңіздей, демалыс күндері қызу талқыланған Ақтаудағы жағдай туралы айтпақпыз. 7 жастағы баланың тісін жұламын деп басы дауға қалған дәрігер бүгін жұмыссыз қалды, полиция тергеуді бастады. Жауапқа тартылуы мүмкін жандардың ішінде баланы анасы да бар екен.

Едені дірілдеп, балконы қисайып кетті. Нұр-Сұлтанның кезекті тұрғын үйінің сапасы сын көтермей тұр. Елорданың бел ортасында орналасқан ғимаратты мұндағы жұрт «Кафель құлаған» деп атап кеткен. Сарыарқаның желі тағы қай көпқабатты үйдің сырын ашып берді?

«Жастар жылы» аяқталып келеді. Алайда, бұл бағдарламаның жастарға тигізген пайдасы шамалы. Оны депутаттар да растап отыр. Бір жылдың ішінде айқындалған 89 жобаның тек 13-і ғана орындалыпты. Ал, оны жүзеге асыру үшін қазынадан 24,6 млрд теңге бөлінген еді. Қаржы берілсе де, жастар арасында жұмыссыздық белең алып барады. Жоба тоқырауға ұшырады деуге негіз бар ма?

Алматыда бір топ тұрғын шетелден жұмыс тауып беремін деген алаяқтарға алданып, тақырға отырған. Корея, Литва, Швецария секілді дамыған мемлекеттерде айлығы 2 млн теңгеге жуық жұмыс бар дегендеріне сеніпті. Құжаттарын рәсімдеп, өмірлерін сақтандырып, тіпті жалған құжат жасап беремін деп ауыз толтырыпты. Ол үшін бар жоғы 600 мың теңге сұраған. Ал, ақшаны алған соң тайып тұрыпты. Қазір полиция қызметкерлері тергеуді бастапты.

Арам атты Армян азаматы еліміздің заңын өзгертуге түрткі болды. Қалай десіз ғой? Елімізге сапарлап келген ол шетелдіктерді тіркеу туралы талапты қисынсыз деп желіге жазба жариялайды. Оған басқа-басқа емес, Президенттің өзі көңіл аударып, заңды түзетуге пәрмен береді. Тілшіміз Олжас Сайлаубекұлы саяхатшыны, ол үшін айыппұл арқалаған хостел қожайынын тауып, тілдескен болатын. Зер салайық.

Басы даудан арылмайтын білім министрлігі қайтадан ата-аналардың қытығына тиді. Осы уақытқа дейін Күнделікпен алысып келген мұғалімдер мен ата-аналар үшін, тағы бір бас ауру пайда болды. Ол оқушылардың білімін бағалайтын жаңа жүйе! Ешбір ережесі нақтыланбаған жаңа жобаға қарсы топ жүздеген ата-ананың қолын жинап үлгерген. Ал министрлік жаңа бағдарламаның тиімді тұстарын айтып, ата-аналардың жаңа заманға лайықты болуға шықырды.

Бір ел бар, телефон, компьютер шығарады. Біреулері машина ойлап табады. Бренд тауарын, киім-кешегінен сатып жатқан мемлекеттер бар. Ал әлем танитындай Қазақстанның қандай өнімі бар? Ет өндірісі бойынша біздің елдің әлеуеті 10 Қазақстанды асырауға жетеді екен. Бірақ өзіміз етті шетелден, Уругвай, Аргентина, Беларусь, Моңғолия, Исландиядан тасып жатырмыз. Неге?

«Ақтөбеде жоқ, жоқ». Миллион тұрғыны бар төртінші мегаполиске айналады деп үміттеніп отырған шаһардың «жоғы» көп болып шықты. Қаланың сырты былай тұрсын, орталығындағы көп көшесінің жолы жүруге жарамсыз. Тіпті, өмірі асфальт төселмеген жерлер де бар. Әкімдіктегілер бұдан хабардар ма? Қала әкімі Мавр Абдуллин жолға жауапты шенеунікті неге қорғаштайды?

Елорданың 20 жылдығына 100 «ақылды» орындық тарту етіліп еді. Ақылды деп отырғанымыз, көшеге орнатылған орындықтарда отырып, телефонды қуаттауға болады, WI-FI-ы бар, аязға шыдамды деп еді. Оның әрқайсысын Қытайдан 1,2 млн теңгеге сатып алып, орнаттық. Ал, қазір сол орындықтарды көрсеңіздер, танымайсыздар. Басым көпшілігі істен шыққан. Тегін интернеті бар деп жарнамаланған құрылғылар шаң басып, сымдарын пысықайлар ұрлап жатыр екен. Ал, қоғам белсенділері …