Новости

Павлодарда тұрғындар полицейлермен төбелесе жаздады. Тәртіп сақшылары тіпті таяққа сүйенген қарияны сүйрелеп, жөнге салмақ болған. Бұған шамданып, қарсылық танытқан әйелдердің бірі дереу учаскіге жеткізілді. Сөйтіп айыппұл арқалап шықты. Қос тарап арасындағы тартысқа не себеп? Мектеп маңындағы дау қалай аяқталды?

Шымкентте төтенше жағдай! Тарсылдап атылған оқтың дауысынан тұрғындар әлі үрейленіп жүр. Полицейлерді аяғынан тік тұрғызған қарулы қақтығыстан бір адам мерт болды. Тағы 4-еуі дене жарақатымен ауруханаға түскен. Қазір дәрігерлер олардың өмірін сақтап қалу үшін барын салуда. Ал, тәртіп сақшылары оқиға орнынан екі қымбат автокөлік пен іші ақшаға толған сөмке тауып алғандарын айтады. Сонымен, кім кімді атты? Күдіктілер қазір қайда?

Басынан дау арылмаған Көкжайлау мәселесіне Президент нүкте қойды. Қоғам белсенділері, экологтар мен қала билігі бұл жобаны жасау барысында бір шешімге келе алмай талай талас-тартыс, пікірталас болған еді. Енді бұл атышудлы жоба тек қағаз күйінде мұрағатқа өтетін болды. Оған жұмсалған қыруар қаржының өтеуі кімнен болады? Ол жағы әзірге белгісіз.

Қасым-Жомарт Тоқаев өз жолдауында «қарттықты күтпей-ақ, оқу оқимын немесе баспана аламын дейтіндер, зейнетақы жинағын пайдаланса болмай ма» деген сауалынан кейін, талайлар үмітпен үмітпен жүргені белгілі. Ал, енді айтайық. Біздегі зейнетақы қорының 10 миллион салымшысы бар. Бірақ, соның тек он бір мыңы ғана жиналған қаржысының бір бөлігін мерзімінен бұрын пәтер, не білім алуға жұмсай алады. Кешелі бері бұқаралық ақпарат көздерінде осындай …

Қостанай облысының әкімі премьер-министрді алдап соқты ма? Әлеуметтік желіде кешелі бері осындай атаумен видео тарады. Архимед Мұхамбетовтің диірмен басындағы азаматтарға «өндірістің көлемін қосып айта беріңдер, кім біліп жатыр?» деп нұсқау беруі таспада тайға таңба басқандай жазылған. Сөз күйінде, қағаз бетіндегі әп-әдемі статистиканың, көрсеткіштің іс жүзінде жақсаруы үшін не істеу керек?

Ақтөбеде адам азаптағаны үшін сотталып кеткен полицейлер ақталып шықты. Істі болған төртеудің туысы «балаларымыз сүттен ақ, судан таза» деп апелляциялық шағым түсірген еді. Соттың үкімді өзгертуіне не себеп болды? Жәбірленушінің жанайқайы неге ескерілмеді? 52 күн абақтыда отырып шыққан полицейлер енді жұмыстарына қайта орала ма?

«Сыбаға» бағдарламасына бөлінген 1 млн еуро желге ұшты. Не ақша жоқ, не сиыр жоқ. Сыбаға бойынша қомақты кредит алған шаруалар, ұзақ күткен асыл тұқымды малын сол күйі алмаған, ал алғандарының өзі алданған. Қалай дейсіз бе? Шетелден жеткізілуі керек болған Ангус, герефорттың орнына, басқа ірі қара салып жіберілген. Ал, тұқымы басқа малға субсидия да ала алмайсың. Көмек сұрап министрлікке барғандардың айтар …

Алматы қылмыс деңгейі бойынша бірінші орында тұр! Сонымен қоса, жемқорлықтың қайнар көзіне айналды. Бүгін оңтүстік астанаға барған Қасым-Жомарт Тоқаев әкімдердің шаңын шығарып, біраз резонанс туғызған мәселелерге нүкте қойды. Соның бірі Көк-жайлау құрылысына түбегейлі қарсы шықты. Трамвайдың жұмысын тоқтатқаны да мемлекет басшысына ұнамады.

Алматы облысына қарасты Ескелді ауданында сапасыз дизельдік отын сатқан жанармай бекеті қызметкерлерінің әрекеті әшкереленді. Ол жерден солярка құйған автокөліктер дәл сол жерде бұзылып, оталмай қалған. Салдарынан жүргізушілер біраз шығынға батқан көрінеді. Олар бірден жергілікті полицияға хабарласып, шағым түсірген. Қазір сапасыз жанармайға қатысты сараптама жасалып жатыр.