Новости

Ақтөбелік мүгедек жан кәсібінің жүрмей тұрғанына шенділерді кінәлап отыр. Біраз жылдан бері мүмкіндігі шектеулі жандарға арнап жиһаз шығарумен айналысатын ол, 8 тауарға өнертапқыш патентін де алған екен. Мүгедектігіме қарамастан, 12 адамды жұмыспен қамтыдым дейді. Жиһаздарға аудандық, облыстық ауруханалардан сұраныс та бар, алайда, жеме-жемге келгенде ешкім тапсырыс бермейді деп отыр. Кәсіпкер неге атқамінерлерге өкпелі? Мүмкіндігі мол жиһаз шаң басқан күйі неге …

Соңғы селфи! Ақтөбеде 18 жастағы бойжеткен ерекше селфи жасаймын деп жүріп, ажал құшты. Сол түні марқұмның жанында тағы бір қыз болған. Оның жағдайы қалай? Қайғылы оқиғаның ақ-қарасы анықталды ма?

1,5 жастағы бала Сізден көмек сұрайды. Аянаға 5 айдың ішінде 2 млн 120 мың доллар қажет. Егер екі жасқа дейін екпе егілмесе, арғы жағын айтудың өзі қиын. Аяғы шығып, ойынға айналатын кезінде ауру балаға айналғаны — Аянаның ата-анасына қатты батып отыр. Керек қылсаң көлікті, баспанамды, барымды ал, тек баламды сау қып бер. Күндіз күлкіден түнде ұйқыдан айырған аурудан Аяна айыға …

«Жолаушылар тасымалы» компаниясы ұзақ уақыт бойы қазақстандықтардың қалтасын қағып келген. Билетті қайтарғаны үшін әр азаматтан заңсыз түрде 1000 теңгеге дейін ұстап қалып отырған. «Қазақстан темір жолына» қарасты мекеменің бұл ісі әшкере болып, оларға сот шешімімен 1 миллиард теңгеге жуық айыппұл салынды. Осы уақытқа дейін ақшасынан айырылған азаматтар сотқа бере ала ма?

Түркістан облысында жасөспірім құрдасының басына пышақ сұғып алды. Ауыр дене жарақатын алған 10-сынып оқушысы жансақтау бөлімшесінен бірақ шыққан. Қазір, осы іске қатысты Қылмыстық кодекстің екі бірдей бабымен іс қозғалып, тергеу амалдары басталып кетті. Күдікті сот санкциясымен екі айға қамауға алынды. Кім кімге әлімжетік жасаған. Өрімдей жасөспірімдердің мұндай әрекетке баруларына не себеп болған.

https://youtu.be/1fyzUZR8cy0 Жылағанына шыдай алмадым! Өгей баласын сабап өлтірген өгей әке сот отырысында осындай адам шошырлық мәлімдеме жасады. Екі жасар баланың еркелігін көтере алмаған ер адам оған бірнеше соққы жасап, көшенің қақ ортасында тепкілеп тастаған. Бүлдіршін есінен танып құлап, тілге келместен қаза тауыпты. Күдікті Жеңіс Құрманғазин бүгін өз қылмысының жай-жапсарын түсіндіріп берді. Ал жәбірленуші тарап не дейді? Жауыз әке қандай жазаға …

Сирияда өлі адамның басымен суретке түсіп, соғысқа қатысқан содырлар соңғы сөзін айтты. ДАИШ лаңкестік тобының өкілдеріне қатысты Елордада өтіп жатқан сот жарыссөзіне 14 күдікті қатысқан. Олардың бәрі Шам елінде кім үшін және не үшін соғысқандарын білмейді. Тек «кінәлімін, жаза бастым» деп, ағынан жарылып отыр олар.

Қостанай облысындағы 498 мектептің тең жартысынан астамы орыс тілінде сабақ береді. Бүгін астанаға келіп, журналистерге сұхбат берген өңір басшысы Архимед Мұхамбетов осылай деп ағынан жарылды. Сондай-ақ, әкім қытайлық компанияның Қостанайға келіп зауыт салмақ болғанында растады.

«Таза ауа керек!». Өскемендік баланың шарасыздықтан жолдаған бейнеүндеуі кешелі — бері әлеуметтік желілерде қазақстандық арасында қызу талқыға түсіп жатыр. Түтінге тұншыққан қаланы көрсеткен жасөспірім, тұрғындардың денсаулығына қатты алаңдайтынын жеткізген. Оқушының сөзі өтірік емес! Кешелі-бері Өскеменде оннан астам адамның денсаулығы күрт нашарлап, ауруханаға түскен. Бұған шаһардың климаттық жағдайы себеп.

Тәуелсіздік күні тағы да мансұқталуда. Желтоқсан айы басталысымен жылдағыдай еліміздегі ірі мегаполистер жаңа жылдық дайындыққа қызу кірісіп кетті. Алматылықтар Аяз ата мен ақшақарлардың шеруін ұйымдастырып мәз-мейрам болса, елордалықтар басқаны айтпағанда, егемендіктің символы саналатын «Қазақ елі» монументінің қасында шырша орнатып әлек. Сонда Жаңа жыл Тәуелсіздіктен қымбат болғаны ма? Жылда қайталанатын олқылықтың жыры қашан бітеді?