Новости

Аса ірі көлемде пара алды деп айыпталған бұрынғы Ұлттық экономика министрі Қуандық Бишімбаев бостандыққа шықты. Бұл туралы оның адвокаты Сейіт Рахманов мәлімдеді. 10 жылының бар-жоғы 1 жыл 7 айын ғанатүрмеде өткізген оның жазасы жеңілдетіліп, мерзімінен бұрын жіберілген. Ал, шешімді қабылдаған Шымкенттегі Абай аудандық соты болса, Бишімбаев түзеу мекемесінен шығу үшін 25 қыркүйекте өтініш бергенін айтады. Ұзақ жылға сотталып, бірер жылда …

Қазақ тілінің қолданыс аясын кеңейтуді көздеп, мемлекеттік тілдің мүддесін қорғап жүрген Оғыз Доғанды «Эйр Астана» компаниясы қара тізімге кіргізіп, ұшаққа кіргізбей қойған. Отбасымен астанадан Шымкентке бағыт алған қоғам белсендісі бұл әуе компаниясының сотта жеңіліп қалғаннан кейінгі істеп отырған қитұрқы әрекеті деп баға берді. Билет сатуын сатып, бірақ, ұшаққа кіргізбей қойғандарды енді тағы сот процесі күтеді. Мәселенің мән жайын Айбек Қосан …

Келе сала, бірнеше орынбасарын ауыстырған Алтай Көлгіновтің қарамағындағы тағы бір шенеунік қызметінен кетті. Еден жуып, есімі елге танылған Қалалық білім басқармасының басшысы Әнуар Жанғозин жұмыстан босатылды. Отыздан енді асқан жас басшының елорданың білім саласында қандай қолтаңбасы қалды?

Елордадағы атышулы жеңіл рельсті метро құрылысында күмәнді құжаттарға қол қойғандардың тізімі белгілі болды. Оншақты адам жалған кәсіпкерлік арқылы жобаға бөлінген қаржының 412 млн теңгені жымқырып үлгерген. Істері май шаммен қаралып жатқандардың арасында қала әкімдігі, мердігер компания өкілдері және ЛРТ басшылығы да бар екен. Бірақ, жемқорлыққа қарсы агенттік нақты күдіктілердің атын атап, түсін түстемеуде. Бұл «сақалды құрылысқа» кім жауапты?

Бір ай бұрын мектеп жанында қыз баланы зорламақ болған күдікті полицейлердің қолынан қашып кетті. Бірақ, тәртіп сақшылары түсте көз жазып қалған қашқынды, түнге қарай қолға түсірді. Арам пиғылды қала сыртына шықпасын деген ниетпен бекеттерде жабылып, кептеліс болды.

Түркістан облысында ежелгі түркі жауынгерлерінің мәйіттері жерленген ескі қорымның орны табылды. Аумағы атшаптырым жерді алып жатқан аймақта мыңдаған сарбаздың денесі жатыр. Тіпті, кейбірінің басында аты-жөні мен қайтыс болған жылы жазылған құлпы тасы да сол күйі сақтаулы екен.

Алматы облысында ерлігі аңызға, аты ұранға айналған Қарасай батырға ескерткіш орнатылды. Бұл шара Қарасай ауданының 90 жылдығына орайластырыпты. Мерекеге орай көпбалалы отбасыларына жаңа баспаналардың кілттерін тапрсырып, қуанышқа бөледі. Тақырыпты тілшіміз тарқатады.

Елорданың мегаполиске айналғанына жақында қуанып еді жұрт. Енді таяқтың екінші ұшы көрініп отыр. Халық саны күрт өскендіктен, балабақша, мектеп сияқты әлеуметтік нысандардың жүгі артқан. Осыған орай ел астанасындағы халық саны бақыланып отыратын болды. Көшті бәсеңдету үшін ауылдарда қаладағыдай жағдай жасауға білек сыбанып отыр жауаптылар. Тағы қандай шаралар қолданылады?

3-4 жылдан кейін көп қабатты үйлер, оны қойып қалалар танымастай өзгеретін болады. Бұл мәлімдемені сәуегейлер емес, индустрия және инфрақұрылымдық даму министрінің міндетін атқарушы жасады. Ол үшін сенат бүгін әкелінген заңды қабылдаса болғаны дейді. Алайда парламентке әкелінген жобаны ғылым докторлары түсінбей біраз бас қатырған көрінеді. Қолдағанымен, әлі де шикі, толықтыру керек деп сынады.

Жас жігітті өлтіріп, денесін аурухананың дәлізіне тастап кетті. Сұмдық жағдай Ақтөбе облысының Алға ауданында болды. Марқұмның туыстары жігіт кімнің жолын кесіп кеткенін түсіне алмай әлек. Өйткені, баламыз қой аузынан шөп алмайтын, жуас болатын деп отыр.