Новости

Алматыда жалған ақша жасаумен айналысқан қылмыстық топ әшкерелернді. Олар өз пәтерін шеберханаға айналдырып, заңсыз жасаған ақшаларын айналымға енгізіп отырған. Күдіктілердің бірі бұрын ақша жасаумен айналысқаны үшін сотталған екен.

Шымкенттегі жағдай да осыған ұқсас. Өңірде бірнеше елдімекен ауыз суға жарымай отыр. Соңғы он жылдан бері қалаға іргелес жатқан Исфиджаб ауылы тіршілік нәрін сағаттап күтумен келеді. Тәулігіне небәрі 3-4 сағат қана беріледі екен. Ал, ауылға су құбырын тартпақ болған мердігер компания, жұмысты жарты жолда тастап кеткен. Айтпақшы, дәл осы ауылда жол құрылысын жүргізіп жатқан тағы бір компания, тратуардың дәл ортасына …

Ақылыма құлақ ас, әкім-қара! Ағаштан түйін түйген шебер Болатбек Баймағамбетов кәрі ағаштарды түбірімен отап тастайтын Ақтөбе билігіне тың идея айтты. Мүсінші қурап қалған ағаш діңінің өзіне жан бітіріп, оны қаланың көрікті жеріне айналдыруға болатынын көрсетті.

Ел үкіметі миллиардтарға ресейлік вагондар сатып алуды қолға алып жатқанда, Елордада 147 миллион тұратын электробустар қатынайтыны белгілі болды. Тоқпен жүретін қоғамдық көліктер елімізде жиналған екен. Жиналған деген аты болмаса, автобустың шегесіне дейін Қытайдан әкелінген. Жауаптылар осы арқылы қоғамдық көлік тапшылығын жоймақ ниетте. Ал, қыруар қаржы құртуға бұл көліктер тұра ма? Өзін-өзі ақтай ала ма? Жолаушылардың пікірін әріптесім біліп көрді.

Қостанай облысында газ құбырларын жөндеу үшін тендер ұтып алғың келсе шенеунікке 10 миллион теңге тұратын шетелдік көлікті сыйға тарт! Ақтөбе облысында «Ұлттық сараптама орталығын» басқарып отырсаң қол астыңдағы қызметкерлерден 3,5 миллион теңге ақша жинап алсаң болады. Ал Атырау облысы әкімінің орынбасары болсаң, әлеуметтік әлсіз отбасы балаларына арналған Президент шыршасына деп бөлінген 39 миллион теңгенің белгілі бір көлемін қалтаға бассаң артық …

Сегіз жыл бойы қазақстандықтарды ел ішінде тасымалдаған испандық «Тальго» компаниясы елімізден кетті. «Тұлпар-Тальго» деген атауымен билеті қымбат, бірақ жылдам пойыздар орнына ресейлік вагондар әкелінбек. Индустрия және инфрақұрылымдық даму министрлігі қазір инвесторлармен келіссөздер жүргізуде. Онсызда елу пайызға жуық тозығы жеткен вагондар паркіне бұл өзгеріс не береді? Испандықтар біздің мемлекетке несімен жақпай қалды?

Алматыдағы «Атакент» орталығында кәсібін ашып, күнін көріп жүрген кәсіпкерлер шығынға белшеден батуда. Бүгін осылай деп наразылық білдірген азаматтар Әуезов көшесінен көлік кіретін жер ашып беруді сұрады. Өткен жылдан бері келушілер қатары екі есе қысқарып, көпшілігі жұмысшылар санын азайтуға мәжбүр болыпты. Ал әкімшілік полиция өкілдері кәсіпкерлердің ұсынысы кептелістің жиілеуіне әкеп соғады деген пікірде.

Алматы облысында ауыз суға бөлінген қаржы желге ұшты. 200 миллионға жуық теңге ауылдағы тек 2 көшеге ғана құбыр жүргізуге жетіпті. Осыдан кейін мердігер компания техникасын жинап, тайып тұрған. Ал қазылған күйі қалған терең шұңқырға малды қойып, адамдар да түсіп кетіп мертігуде.

Алматыда өгей әкесі өлімші етіп сабап тастаған 2 жастағы бүлдіршін көз жұмды. Өкіншітісі, осындай жантүршігерлік сипаттағы оқиғалар жиілеп барады. Тіпті, жуырда ғана Ішкі істер министрлігі зорлық-зомбылыққа тап болған балалардың жетпіс пайызы өздерінің жақындарынан зәбір көруде» деп, қорқынышты мәлімдеме жасаған. Баласына жаны ашымайтын қатыгез әке, мейірімсіз шеше неге көбейді. Қоғам үшін өгей бала жоқ. Әр бала бақытты болуға лайықты ғой?! Заң …

17 590 теңге. Статистика комитетінің келтірген дерегіне сәйкес, бір адамның 30 күн бойы аш қалмай, үш мезгіл асын ішіп тұруы үшін, осыншама сомма артығымен жетеді екен. Яғни, айына 17 мың теңге табатын адам, тоқшылықта өмір сүреді деп түсінуіміз керек қой?! Алайда, мұны естіген қарапайым жұрт, не күлерін, не жыларын білмей қалған сияқты. Өйткені азық-түлік бағасы сағат сайын өсетін біздің елде …