Новости

Шынайы бәсекелістік болмай отандық медицинадағы қызмет сапасы артпайды. Сондықтан медициналық сақтандыру қоры салаға жеке меншік секторды көптеп тартуды бірден қолға алды. Қор өкілдері жеке меншік клиникалар мен мемлекеттік емханалар арасында бәсеке артқан сайын қызмет сапасы көтерілетініне сенімді.

Президент әкімшілігінің басшысымен бірге бірнеше министр алмасты. Қарағанды әкімі де ауысатын болды. Жоғары биліктегі ауыс-түйіс жақында ғана болғандай еді. Артылған үміт ақталмады ма деген сауал туындады. Тағы сол бір тұлғалар тек кресло алмастырып жүр ме деген сұрақ та бар. Саясаттанушы сарапшылардың пікірі мен депутаттардың қаша берген жауабы Олжас Сайлаубекұлының материалында.

Министрлердің уәдесі құр сөз болып қалды! Елордалықтар «көмірдің бағасы 12 мыңнан өспейді» деп сендірген шенділерге ашулы. Өйткені, ел астанасында күн салқыны сезіліп еді, отынның құны да бірден шарықтай түсті. Бір жерлерде он бір мыңнан саудаланса, енді бірі бағасын 15 мыңға бір-ақ көтеріпті. Оған шенеуніктердің өздері не дейді? Көмірді ерте алып қойғандар отынның сапасына неге көңілдері толмай тұр?

Қазақ халқының қаһармандық жырындағы Қамбар батыр шылым шегетін браконьер болған екен. Ал оның ғашығы Назым арақ-шарапты ашытқан көрінеді. Ұлттық фольклорға тіл тигізгеніміз емес, биылғы оқу маусымына дейін 9 сыныптың оқушылары Қазақ әдебиетін осылай оқып келген. Бұл оқиғаның қыр-сырын бір кісідей білетін мамандар былықтың бәрі «Бабалар сөзі» жинағынан басталған деседі. Ақиқаты қайсы?

Бүгін Қасым-Жомарт Тоқаевтың Президент болғанына 100 күн. Маусым айындағы инаугурациядан кейін ресми түрде лауазымына кіріскен Қазақстанның жаңа басшысы 100 күннің ішінде 102 Жарлыққа қол қойыпты. Ол жарлықтың бірқатарын көрермендерде жақсы біледі. Мәселен, несиені кешіру туралы құжат. Сондай-ақ, зейнетақы қорындағы қаражатты иесіне қайтарып, тұрғын үй алуға мүмкіндік жасаймыз деп бір қуантты. Бұдан бөлек, ел есінде қалатындай қандай іс тындырды?

Бензин қымбаттауы мүмкін. Ішкі нарыққа жетпегеннен емес. Алып-сатарлардың кесірінен деп айту керек шығар. Өйткені, елімізден жанармай вагон-вагонымен шетке кетіп жатыр. Соның әсерінен жақын арада жанар-жағармай тапшылығы туындап, баға өсуі әбден мүмкін. Мәселен көрші Ресейде ең өтімді АИ-92 маркалы бензин бізден 70-80 теңгеге қымбат сатылады. Осыны ұтымды пайдаланған пысықайлар, вагонды қойып, канистрмен, түрлі көліктермен айына 50 тоннаға дейін сұйық отынды әкетіп …

Әкімдердің жұмысы оңай ма? Жалпы бүгінде әлеуметтік желі арқылы шаһар басшыларының қайда, кіммен жүргенін білуге болады. Тіпті, кейбірі түрлі хайп пен челленджерге қатысып өз фоллоурелерін арттыруда. Мәселен, халыққа жақын боламын деп өңір басшылары трактор,велосипедке мінсе, өзгесі аккаунтар арқылы өз елін мақтап әлек. Сонымен, елімізде қай әкімнің беделі басым? Сарапшылар олардың жұмысына қандай баға беруде.

Биліктің бас ауруына айналған Мұхтар Әбілязов пен Храпуновты елге қайтарту үшін құзырлы орган тағы бір әрекеттеніп көрмекші. Жаңа дәлелдер келтірілген екеудің ісі шетелдің құқық қорғау органдарына жіберіледі. Сырттай соттап, елге келтіре алмаған соң, енді ең болмаса, сол жақта соттау әрекеті қолға алынып жатқан секілді. Бұл деректі бас прокурордың орынбасары жеткізді. Біздікілер қайтара алмай жатқанда, қос құданы еуропалықтар соттауы мүмкін бе?

«Артық қылам деп, тыртық қылды». Ақтөбеде көпір астында тұрып жатқан тұрғындар осылай деп байбалам салып отыр. Өйткені, құрылыстың кесірінен баспаналарының қабырғаларына сызат түскен. Ол аздай тарсыл-гүрсілден үйдегі кішкентайлардың ұйқысын бұзыпты. Енді зәре-құты қашқан баланы ұйқысын тыныштандыру үшін, емші біткенді жағалап әуреге түсіп жүрміз дейді. Тұрғындардың базынасына құлақ түріп қайтқан тілшіміз тарқатып айтсын.

Американың азаматы Шымкенттен кете алмай жүр. Турист құжатын жоғалтып алыпты. Біздің елге саяхаттап келіп, жарты жолда қалып қойған 54 жастағы америкалық азамат, амалсыз көпшіліктен көмек сұрайды. Алексей Чумак Қызылорда мен Түркістан қаласының аралығында байқаусызда барлық құжаттарын түсіріп алған екен. Қазір қайда, қайтіп күн көріп жүр? Шарасыз күйге түскен «қонақпен» тілдесіп қайтқан әріптесім Пернебек Біләлбек айтып берсін.