Новости

Биыл «Алматы – іңкәрім менің!» фестивалі тағы да өз дәрежесінде өтті. Тыңдарманды ретро әндерімен жыл сайын дәстүрлі түрде қуантатын концертті биыл тура кино іспетті ұйымдастырыпты. Шетелден келген әншілер де, отандық жұлдыздар да, 70-ші, 80-ші жылдардағы құлақ құрышын қандырар әндерді арнайы көрініс қойып айтты.

Семейде екі күн бұрын басталған жаңа автобустардың жыры бітер емес. Жергілікті биліктің бастамасымен ескі әрі тар деп танылған микроавтобустар алынып тасталып, орнына жаңа қоғамдық көліктер жіберілген. Алайда, автобустардың саны қала халқы үшін аз болғандықтан тұрғындар діттеген жерлеріне жете алмай әлек. Амалы құрыған жұрт әкімге кіреміз деп те әрекеттенген. Семейліктер неге наразы?

Еліміздегі әуе билеттер арзандайды. Жауаптылар қазіргі бағаны шарықтатпай осы деңгейді ұстап қалсақ соның өзі үлкен олжа деп отыр. Себебі, қазір дәл осы ұшаққа деген сұраныстың артқанына байланысты елімізде әуе кемесінің тапшылығы сезілуде. Ал, темір жол саласында жауаптылар алып сатарлардың жолын кесудің жаңа тәсілін ойлап тауыпты. Енді, билет таппай сергелдеңге түскендердің қатары азая ма?

Ақтөбеде адам азаптағаны үшін сотталып кеткен төрт полицейдің ағайындары шу шығарды. Жиналғандар екі күннен бері прокуратура ғимаратының алдын торуылдап, оларды бостандыққа жіберуді талап етіп жүр. Істі болғандардың арасында 3 жыл бұрын теракт кезінде кеудесіне медаль таққандар да бар екен. «Ерлігі үшін» марапатталған мақтаулы полицейлерді қылмыс жасауға не итермеледі? Жақындары неге үкіммен келіспейді?

Айықпас дертке шалдыққан бүдіршіндерге қолдау білдіру үшін мың жарымнан астам алматылық қайырымдылық марафонына жиналды. Спорт, музыка және мейірімділік — екі жылдан бері спорт мерекесінің басты элементтеріне айналып отыр. Жаяулар жарысын көрген тілшіміздің сюжетіне назар салыңыз!

Алматы облысының көрікті жерлерін көркем сипатта әйгілеу. Өңірдегі табиғаты тамаша өлкелер мен туристік орталықтарға жастарды мейлінше тарту мақсатында аймақтың ішкі саясат басқармасы және Рухани жаңғыру жобалық кеңсесі заманауи шара өткізді. Шарын, Көлсай, Алтын Емел сияқты ұлттық парктерді жас буынға кеңінен насиғаттау мақсатында сол — жас буынның жұлдыздары шақырылды. Жетісуды термеген «ZHETYSU VINE FEST» шарасы туралы келесі материалда.

Қарағанды облысында тал түсте анасының қолынан ұрланған үш жасар бала өлі күйінде табылды. Қазір осы оқиға бойынша бір күдікті ұсталды. Ол сәбидің анасына бұрын ғашық болып, екеуі қосыла алмаған. 1996 жылғы күдікті жігіт бұдан бұрын да осы сүйіктісінің туысын өлтіріп, сотталған екен. Алайда, мерзімінен бұрын шығарылыпты.

Елімізде зейнет жасын 55 пен 60-қа дейін төмендету керек! Президенттің төрағалығымен өткен Ұлттық сенім кеңесінің алғашқы отырысында осындай ұсыныс көтерілді. Жиында Қасым-Жомарт Тоқаев соңғы кезде жиі көтеріліп жүрген шетелдіктерге жер сату, Қытайдың 55 зауытына қатысты мәселеге де жауап берді. Сондай-ақ, зорланған 9 баланың ісін қарап жатқан адвокат Айман Омарова Президентке сот жүйесіндегі әділетсіздіктерді, салаға өзгеріс қажеттігін айтты.

Түркістан облысында мектеп оқушысы мерт болды. Сабақ уақытында жасөспірімнің үстіне футбол қақпасы құлап кеткен. Ауыр жарақат алған 8-сыныптың шәкірті ауруханада көз жұмды. Қазір, осы оқиғаға байланысты, денешынықтыру пәні мұғалімінің үстінен қылмыстық іс қозғалды. Тергеу амалдары басталып кетті.

Екі жылға бір кітап! Былтыр өтіп кеткен бағдарламаны биыл қайта оқып жатқан оқушылардың ата-аналары әлеуметтік желіде шу шығарып, жауаптылардан мән-жайды түсіндіруді талап етуде. Қай пәннің оқулығынан олқылық шықты? Нешінші сыныптар бір бағдарламаны екі рет оқиды? Бұған министрлік не деді?