Новости

Алматының атауы Нұр-Сұлтан сияқты дефиспен «Алма-Ата» деп жазылуы керек! Алты жыл бойы елшілік қызметте жүріп, жуырда ғана елге оралған Ермұхамет Ертісбаев қаланы Кеңес заманындағыдай айтқан дұрыс деген бастама көтерді. Оның ойынша, қаланың байырғы атауы «Алма-Ата» көрінеді. Ал, жылдар бойы шаһардың тарихын зерттеп жүрген ғалымдар мен мегаполис тұрғындарының бұған қатысты пайымы қандай?

Тянь-Шань тауын бағындыруға аттанған үш альпинист көз жұмды. Мұндай байламға оларды іздеу операциясы қатысқан тәжірибелі спортшылар келген. Сондықтан да іздеу-құтқару жұмыстары тоқтатылды дейді. Оны туыстары да мойындаған секілді. Альпинистер жайлы біраз материал әзірлеген едік. Көрермендеріміздің бірсыпырасы спортшылар тауға неге әуес деп сауал жаудырды.

Қос қуаныш! Мереке күні бір мезетте бірнеше өңірде ондаған отбасы баспаналы болды. Оларға пәтер алуға жергілікті әкімшілік қолдау көрсеткен. Қолына шаңырағының кілті тигендер қатарында қарапайым қызметкерлер мен жалғызбасты аналар, мүгедек балаларын тәрбиелеп отырғандар бар. Аймақтарда Ата заңның мерекесіне орай тағы қандай шаралар өтті?

Шымкентте үйлері өртеніп кеткен 45 отбасының мәселесі ақыры шешілетін болды. Қала әкімдігі күлі көкке ұшқан жатақхананың орнына тұрғын үй салып беруге уәде берді. Сөйтіп, әр жерді паналап жүрген отбасыларды келер күзде су жаңа пәтерге орналастыруды көздеп отыр. Қазіргі таңда 9-қабатты тұрғын үйдің сызбасы жасалып, бекітіліп те қойған екен. #1tvkz

Ал, Шымкентте әжетхананы күтіп ұстамаған мекеме басшысы сотқа шақыртылып жатыр. Хайуанаттар бағының директоры әрі қалалық мәслихаттың депутаты Нұрғазы Бұхарбаев зоопарктегі лас туалет үшін сотқа жауап бермекші. Осы іс бойынша жинақталған құжаттар Әл-Фараби аудандық сотына келіп түскен. Алғашқы процесс қыркүйектің 4-не белгіленген. Хайуанаттар бағының басшысын кім сотқа беріп жатыр және шағымданушы қанша өтемақы талап етуде?

Дәретхана десеңіз міне, 18 миллион. Семейде қоғамдық дәретхананың құны көптің күдігін тудыруда. Жергілікті әкімдік шаһар ішінен екі туалет салу үшін 18 млн теңге бөліп жіберген. Тұрғындар оны тым қымбат дегенімен, жауаптылар сенімді жүр. Қолданысқа берілген соң ақылы болады деп отыр.

Кеңес дәуірінде қазақ жерінде 456 сынақ өткізіліп, 500 мыңнан аса адам радиацияның зардабын тартты. Бүгін халықаралық ядролық қарудан бас тарту күні. Осы атаулы күнге орай астанада екі адамға «Ядролық қарусыз әлем және жаһандық қауіпсіздік үшін Назарбаев сыйлығы» табысталды.

Ақтөбеде теміржолдың кезекшісі пойыздың астына түсіп, екі аяғынан айрылды. Қазір келіншектің жағдайы ауыр. Туыстары болса станса басшылығына шүйлігіп отыр. «Оқыс жағдайдың неден болғанын анықтаудың орнына, келінімізді «суицид» жасағысы келген» деп айтқаны жанымызға батты дейді. Бұл қауесет пе, әлде теміржол бекетінің басшысы осындай мәлімдеме таратқаны рас па?

Ауыл тұрғындарында жедел жәрдем! Сәуір айының соңында Алматыдан шыққан «Денсаулық пойызы» Ақтөбе облысына жетті. Шойын жолдағы медициналық бекеттің мүмкіндігі мол. Шалғайдағы ауыл тұрғындарын білікті дәрігерлерден құралған бригада тегін тексеріп жатыр. Бұл бастама қолжетімді медициналық көмек көрсету мақсатымен, әрі жұртшылыққа міндетті медициналық сақтандыру туралы егжей-тегжейлі түсіндіру үшін қолға алынып отыр.