Новости

«Туысқандардың бір-бірімен отасқандарында еш сөкеттік жоқ. Керісінше, мұндай жұптардың бала сүю көрсеткіші жоғары болады». Арнайы зерттеу жүргізген исландиялық ғалымдар осындай шешімге келіпті. Алайда, жеті атадан аспайынша қыз алысып, қыз беріспейтін біздің мамандар шетелдіктердің мұндай уәжі мүлдем шындыққа жанаспайды дейді. Отандық этнографтар да мұның соңы жақсылыққа апармайтынын айтып, дабыл қағып отыр. Өз жақынымен отасқандардың қандай қиындыққа тап болуы мүмкін?

Алматы облысында республикалық маңызы бар көпір қирап қалды. Енді ондаған елдімекен тұрғындары қоғамдық көлікпен көпірден жандарын шүберекке түйіп өтуге мәжбүр. Бұл өткелді мамандар бір жыл бұрын апатты деп тауыпты. Бірақ, күрделі жөндеу жүргізуге асықпаған. Ауыр жүк көліктерінің салмағына шыдас бермеген белдеме морт сынып, көлік қозғалысы тұралап қалған. «Алматы-Қорғас» және «Алматы-Астана» тас жолдарының арасын жалғайтын жалғыз айналма жолдың қазіргі күйін көзімен …

Түркістан облысында бүтін бір отбасы далада қалды. Сарайда тұтанған өрт тұтас тұрғын үй мен қора-жайларды шарпып, жарамсыз күйге түсірді. Қызыл жалынның күштілігі соншалықты көршілердің гаражы мен мал қорасын да шарпып өткен. Салдарынан отбасы мүшелері туған-туыстың үйлерін жағалауға мәжбүр. Енді кімнен көмек сұрарын білмей жүр.

Елімізде еңбекке қабілетті 443 мың адам жұмыссыз. Оның 83 мыңнан астамы жастар. Бойында күш қуаты тасып тұрған өрімдей дайын мамандар екі қолға бір күрек таппай сергелдеңге түскен. Тіпті, кейбірі жұмыспен қамту орталығының табалдырығын тоздырса, енді бірі жәрмеңкелерді жағалап жүр.

82 жасқа келіп үйленген Нұрғали Нүсіпжановтың тойы кешелі-бері әлі талқыланып жатыр. Кебіреулер, әнші ағамыз бен Жадыра Сейдештің бұған дейінде бірге тұратынын жазуда. Осы кезге дейін өзінен едәуір жас қалыңдық алған зиялылар арасында Нұрғали Нүсіпжанов рекорд жаңартты. Себебі, Асанәлі Әшімов, Әкім Тарази, Нұрғиса Тілендиевтердің жұбайымен арасы 20-30 жастың шамасында болса, Нұрғали аға 40 жастан аса кіші қызды жар етті өзіне.

Алматыда көлік астында тапталып, жазым бола жаздаған жігіттердің бірінің беті бері қарай бастады. Өздерін қасақана темір тұлпармен басып өткендер ішімдікке сылқыя тойып алып, төбелесті аяқасты ашты дейді. Тіпті, қолдарында қару болғанын айтады. Ал, ақ және қара көлікке мініп, аса қатігездікпен адам өлтіруге оқталған екі күдікті туған ағайынды екен. Бүгін іздеуде жүрген сезіктінің анасы үндеу жариялады.

Елімізде әрбір оныншы әке ұл-қызына алимент төлеуден бас тартады екен. Араларында тұрақты табысы жоқ, жұмыссыздары да бар. Астанада алимент бойынша қарызы бар ата-аналар үшін бос жұмыс орындарының жәрмеңкесі ұйымдастырылды. Алайда, оған келіп жатқандар өте сирек.

Қарағанды облысының Шахан кентінде жылу қазандығының құрылысы енді ғана басталған. Жергілікті тұрғындардың сөзінше, оның құрылысын сәуір айында бастау жоспарланған екен. Алайда оған жауапты мердігерлердің арасындағы дау жанжалмен, соттың кесірінен жұмыстар енді ғана басталған көрінеді. Сондықтан Шахандықтар биылғы қысты көп қабатты үйде пеш шағып, күнелтуі мүмкін. Отын тасып, күл-қоқыс шығарудан әбден қажыған тұрғындар бүгін нарзылық білдірді.

Түркістан облысында елді шошытқан атышулы іске қатысты сот нүкте қойды. Үш жарым жасар қызын аяусыз зорлап, денесіне 38 мәрте пышақ сұғып өлтірген азғын әке өмір бойы бас бостандығынан айырылды. Алайда, 47 жастағы сотталушы өзіне тағылған айыппен келіспей, жер қойнына тапсырылған бүлдіршіннің денесіне эксгумация жасатуды талап етті.

Қалың жұртшылыққа «Алатау», «Теріскей», «Саржайлау» әндерімен танымал Қазақстанның халық әртісі, Мемлекеттік сыйлықтың лауреаты, «Құрмет» орденінің иегері Нұрғали Нүсіпжанов үйленді. 82 жастағы абыз әншінің таңдауы 39 жастағы журналистке түсіпті. Күні кеше Алматыда халық әртісінің тойы бар сән-салтанатымен өтті.