Новости

«Сібір жарасы» шыққан ауылдан елордаға ауылшаруашылық өнімдері жеткізілмейді! Бұл туралы үкімет отырысынан кейінгі брифингте Сапархан Омаров мәлімдеді. Сондай-ақ, министр қауіпті індеттің қайдан шыққанын да айтты.

Соңғы уақытта жасөспірімдер арасында зорлық-зомбылық жасау белең алып барады. Мәселен, кәмелетке толмаған Шымкенттік қыз 17 жастағы екі сыныптасының айуандық әрекетінен кейін өз-өзіне қол жұмсамақ болды. Мұнымен қоймай арсыздар, бұл әрекетін ұялы телефонға түсіріп, видеоны әлеуметтік желіге жүктейміз деп жәбірленушіден ақша бопсалап келген. Әр қайсысына сот 5 жылдан үкім кесті. Бірақ, осыған ұқсас әлі күнге дейін шешім шықпаған зорлау фактісі жетерлік.

Ұл-қыздарын мектепке дайындауға кіріскен көпбалалы аналар әкімдікке ашулы. Өйткені бөлінген қаражат ештеңеге жетпейді, дейді. Оған қоса, құрал-жабдықтар мен киім-кешектерді арнайы бекіткен дүкендерден ғана алуға рұқсат етіпті. Ал ондағы баға тіптен аспандап тұр екен. Сонымен, бір оқушыны бастан-аяқ киіндіру үшін ең аз дегенде қанша шығын кетеді?  

Ақтөбеде бейітті бизнеске айналдырғандардың басы бәлеге қалды. Олар екі жыл бойы марқұмдардың туыстарынан қорымды күтіп ұстағаны үшін заңсыз ақша алып келген. Ал, зираттарды қарауды жекеге сеніп тапсырған әкімдік осы уақыт бойы қайда қараған? Әрекеттері әшкере болғандарға қандай шара қолданылады?

Елімізде азық-түлік бағасы тағы да өсіп келеді. Әсіресе жұрт күнделікті тұтынып отырған көкөністер мен ет, ұн өнімдері шарықтап кеткен. Мұны Үкiмет отырысында ұлттық экономика министрi Руслан Дəленовтің өзі айтты. Одан қалды қазақстандықтардың орташа жалақы көлемі артқанымен, тауар сатып алу мүмкіндігі нашарлап барады екен. Осы себепті Премьер-министр азық-түлік бағасын бақылай алмаған әкімдерге шүйлікті. Үкімет басшысы не деді, шенеуніктер шарықтап кеткен бағамен …

Оңтүстік Кореяға жұмысқа аттанған келінішек қарызға белшеден батқан. Сеул қаласына ұшып барған ол әуежайдан ары аса алмапты. «Айына қыруар қаржы табасың» деген жарнамаға еліген біраз адам дәл солай сан соғып қалған. Бұл қызметті ұсынып отырғандар телеарналар арқылы жарнама беріп, әлі де жұмыс іздеген адамдарды аттандырып жүрген көрінеді.

Мойнына 30 рет пышақ сұққан! Ақтөбеде асқан жауыздықпен сатушыны өлтіріп, тонап кеткен күдікті ұсталды. Қанды қылмыс Қарғалы ауданының орталығы Бадамша ауылында болған. Елді мекенде осындай жантүршігерлік оқиғалар жиі тіркелетін көрінеді.

Мұқият болыңыз, сізді аңдып жүруі мүмкін. Заңсыз болса да, елімізде күннен-күнге жеке детективтердің жұмысы қызып келеді. Жарнамасы желіде желдей есуде. Көп жағдайда қызметіне жігітінің я күйеуінің адалдығын тексермек болған нәзік жандылар жүгінеді екен. Бағасы да аспандап тұр, кемі жарты миллионнан басталады. Сонда сұраныс неге артып келеді? Құпия тыңшылардың жұмысы қалай жүзеге асады? Тілшіміз олардың өздерімен кездесіп, мән-жайды біліп көрді.

Қар құрсауында қалып қойған альпинистің қызы жұрттан көмек сұрауда. Соңғы рет төрт күн бұрын байланысқа шыққан спортшылардың жағдайы қалай екенін ешкім біле алмай дал. Бір белгілісі, шыңға шыққан 3 альпинисттің бірі көз жұмды. Қалған екеуі ешбір құралсыз қар арасында қалып отыр. Еліміздің сақа альпинистерінен көмек сұраған қыз бейнеүндеу жариялады.

Алматыдағы білдей бір шағын аудан тұрғындары ауыз сусыз қалуы мүмкін. Биыл елді мекенге магистральды су құбыры тартылған. Алайда тұрғын үйлерге кіргізілмепті. Мердігер компания өкілдері жобада құбырды үйге дейін тарту қарастырылмағанын ескертіп, әркім өз үйіне өзі тарту тиіс екенін ескерткен. Егер бір айдың ішінде орталық су желісіне қосылып үлгермесе, одан кейін ешкімге рұқсат етілмейді екен. Өзге амалы қалмаған Ақбұлақ тұрғындары билік …