Новости

Еліміз суицид көрсеткіші бойынша әлемде алдыңғы орындардың қатарында. Ал жасөспірімдер арасында өз өзіне қол жұмсау жағынан Орталық Азия құрлығында тіпті бірінші орынға шыққан. Азаматтарымыз неге өз өмірін қиюға жиі барады? Не түрткі?

Елорда іргесіндегі 96 разъезд тұрғындары өз үйлерінің жанындағы медициналық қалдықтарды жоюға арналған цехтың жұмысына қарсы. Өйткені, ол жерден шыққан түтіннен демалу мүмкін емес дейді. Жеке кәсіпкермен 4 жылдан бері күресіп келе жатқан жұрттың шыдамы әбден таусылыпты. Нұр-Сұлтанның барлық медициналық мекемелерінен шыққан қоқыс осында төгіледі екен. Тіпті, әлеумет адам қалдықтары сол маңдағы қаңғыған ит-мысықтардың жемтігіне айналуда деп дабыл қағып отыр.

Ақтөбеде ВИЧ жұқтырып, сал ауруына шалдыққан 4 жасар қыз бір апта бойы қараусыз қалған. Шешесі қайтыс болған соң өгей әкесі мен ағайындары балаға бас-көз болудың орнына, ішімдік ішуден қолдары тимеген. Тіпті, ешкім біліп қоймасын деп қызды жасырып қойған дейді көршілері. Әбден арып-ашып, әлсіреп, кір-қожалақ болған бала туралы да көмек сұрап, дабыл қаққан солар екен. Бүлдіршіннің қазіргі жағдайы қалай?

Қызылордада 150-ден астам оқушыны ешбір мектеп қабылдамай бас тартуда. Бұл жаңадан салынған «Бәйтерек» ықшамауданындағы балалар екен. Тың ауданға тиесілі білім ошағы болмағандықтан, ата-аналар маңайдағы барлық мектепке өтініш беріпті. Алайда, барлығы «орын жоқ» деп, шығарып салған. Енді бармаған жері, баспаған тауы қалмаған ата-аналар қайтпек?

Қолы сынған баласын халық емшісіне апарған шымкенттік ата-ана қайғыдан қан жұтып отыр. Олар ұлын дер кезінде дәрігерге көрсетпегені былай тұрсын, баласының жарақатын асқындырып алыпты. Оның арты орны толмас қайғыға ұласып, жасөспірімді қараған сынықшы тергеуге алынған. Ал оның әйелі болса, кінәнің бәрі сыныққа салғырттық танытқан ерлі-зайыптыларда дейді. Оқыс жайттан соң емшінің өзі стресске түсіп, бірнеше рет жәдел дәрдем көмегіне жүгінген.

Дау туғызған пакет. Қырғыстанның бұрынғы президенті билікке берілуге келіскен кезде, ішкі істер министрінің орынбасары Курсан Асанов пен Атамбаевтің ортасында жатқан қызғылт пакет әлеуметтік желілерде қызу талқыланып жатыр. Оның ішінде құпия құжаттар, алтын мен гауһар тастар болған деген мәлімет бар. Дегенмен экс-перзидент билікке берілген кезде, оның қайда жоғалып кеткені белгісіз.

Елімізде онкологиялық ауруларды анықтау тегін болмақ. Осы арқылы мамандар обыр сияқты қатерлі дерттің бар-жоғын біліп қана қоймай, оны емдеудің тиімділігін арттыратындарына сенімді. Міндетті әлеуметтік сақтандыруды негізге алған дәрігерлер еуропалық мемлекеттердің көрсеткішіне жету жоспарларында бар екенін айтты.

Ақтөбеде пошта қызметкері зейнеткерлер мен жәрдемақы алатын жұрттың банк картасындағы ақшасын ұрлаған. Айласын жасыру үшін әркімнің картасынан әртүрлі соманы шешіп алып отырыпты. Зейнетақыларының ұрланып жатқанын тұрғындар бірден байқамаған. Алты ай өткенде барып сан соққандарын түсініпті. «Қазпошта» қызметкерінің қитұрқы әрекеті қалай әшкере болды? Сан соғып қалған қарапайым тұрғындардың ақшасын кім өтейді?

Бүгін алматылықтар сел жүру қаупінен сескеніп оянды. Төтенше жағдай мамандары мен полиция көшелерді аралып, тұрғындарға құжаттарын алып дереу далаға шығуды ескерткен. Қарғалы өзеніндегі судың мөлшері бірден 20 мың текше метрге артып кетіпті. Абырой болғанда зардап шеккендер жоқ.

Атқарушы билікпен қатар заң шығарушы органда да ауыс-түйіс түйіс болды. Біраз сенатор зейнеткерлер қатарын толықтырса, екеуі лауазымды қызметке тағайындалып отыр. Ал жоғары палатадан екі бірдей журналист мандатқа ие болған. Бұрынғылары несімен есте қалды, ал жаңасы не тындырмақ?