Новости

«5 мың теңгеге лоторея билетін сатып ал да, пәтерлі бол, 4 мың теңгеңді санап беріп, темір тұлпар тізгінде», деп әнші-жұлдыздар желіде жарнаманы жарып жатыр. Қызығып қатысып жатқандар көп. 2 мың адам осындай ұтысқа қатысқан күннің өзінде, бар-жоғы 2 миллион ғана тұратын көлігін жүлдеге тіккендер 10 миллион пайда көреді. Енді осындай жолмен байып жатқандарға тықыр таянды. Үкімет бұған тосқауыл қоюды көздейтін …

Елорда мектептерінің бірінде балалар дәлізде оқуға мәжбүр. Себебі, білім ошақтарында адам саны көп. Тіпті, белгіленген нормадан 3 есеге асып кеткен. Ал, ата-аналар ол жерде берілген білімнің сапасына көңіліміз толмайды деп отыр.

Соңғы он жылда елімізде атеистердің саны артқан. Мұндай статистиканы басқа емес, Президент жанындағы Қазақстан стратегиялық зерттеулер институты келтіріп отыр. Жыл өткен сайын Құдайға сенбейтіндердің саны расымен артып келе ме?

Қатерлік ісікке шалдыққан жанға көмек қажет. Бір жылға жуық аурухана табалдырығын тоздырып, аяғын баса алмайтын күйге жеткен Гүлайым Дүйсенованың еміне қажетті 30 мың доллардың 50 пайызы жиналған. «Көп түкірсе — көл» демекші, науқастың отбасы мүшелері ел тұрғындарының қайырымдылығынан үмітті.

«Бауырлар да шенеунік болғысы келеді, бірақ оған мүмкіндік жоқ!». Ақтөбеде «Халықтың қауіпсіздігін қамтамасыз ету» жобасы аясында өткізілген «Ашық есік» күніне келгендер осылай деп тарқасты. Дін жолында жүрген азаматтар атқарушы биліктің ұсынған бос жұмыс орындарына аса қызығушылық танытпады. Екі қолға бір күрек іздегендер неге жақсы мүмкіндікті пайдаланбайды?

Қостанай облысындағы 22 жастағы қызды зорлады деген күдікке ілінген 13 жігіттің ата-анасы жәбірленушінің өзіне шағымданбақ. Себебі, ұлардай шулаған олар балаларымыз жазықсыз деген пікірде. Осыған дейін Ұлттық қоғамдық сенім кеңесінің жиынында көтеріліп, қоғамды дүр сілкіндірген бұл істе шым-шытырық жайттар көп екен. Оны істі жүргізіп жатқан адвокаттар айтып отыр. 1 жыл 8 айдан бері сергелдеңге түскен жандармен тілшіміз тілдесіп келді.

Елімізде еңбек шарттарының бұзылғаны жайында ақпаратты күнделікті көзіміз шалғанымен, 100 азаматтың тек біреуі ғана еңбек инспекциясына хабарласады екен. Еңбек адамдарының дені неліктен жұмыс берушілерден аса алмай, құқығы тапталса да мәселені тыныш жаба салады.

Маңғыстау облысында жолаушылар көлігі апатқа ұшырады. Ақтау-Жаңаөзен күре жолының бойында жеңіл көлікке соқтығысқан газель аударылып, 15 адам зардап шекті. Кейбірінің жағдайы ауыр, жансақтау бөлімінде жатыр.

Ақтөбенің әкімі әр тұрғынға тиесілі 10 сотық жерді беруді тоқтатып қойды. Мораторийдің қашанға дейін созылатынын оған бағыныштылар де дөп басып айта алмайды. Ал жылдар бойы күтіп шаршаған жұрт кезегіміз енді келгенде биліктің бізге бұл не қылғаны деп түсіне алмай әлек. Қала әкімі неге мұндай қадамға барды?

Оқушылардың бас ауруына айналған рюгзак мәселесі әлі шешілмей келеді. Тіпті, күні кеше ғана мектеп оқушысы зілдей сумкасын көтере алмай, жерге құлаған видеосы әлеуметтік желіде тарап кетті. Тіпті, жуырда ғана мамандар мектептерде арнайы тексеріс жүргізіп, заң бұзушылықтарды анықтапты. Жалпы, мектеп портфелінің салмағы қанша болу керек? Мамандар пікірі қандай?