Новости

Жиырма жылдан астам көлік жүргізсе де, бір де бір рет ереже бұзбаған жүргізуші бар десе, сенесіз бе? Мұндай тәртіпті тізгінші Ақтөбеде тұрады екен. Оның жолдағы ұқыптытылығына бәрі таң қалатын көрінеді.

Елордалық мектептердің бірінде оқушы ақылды қоқыс жәшігін ойлап тапты. Жаңа құрылғының көмегімен енді урналар қол тигізбей-ақ өзі ашылады. Тек жанына жақындасаңыз жеткілікті. Бұл қоршаған ортаға өз пайдасын тигізіп, адамдарды артық микроб жұқтырудан сақтайды екен.

Жамбылдық оқушылар сабақта сырт киіммен отырады. Себебі мектептерде жылу жоқ. Сондықтан білімге құштар балалар ұстаз дәрісін діртектеп тыңдауға мәжбүр. Олар үшін білім инемен құдық қазғандай емес, шидеммен отырып жазғандай. Өңірде 11 мектепке газ құбыры тартылған. Бірақ әлі қара отынға күндері қарап отыр. Жылу жүйесіне бөлінген 800 миллионға жуық ақша қайда кетті?

Елімізде ескі кітаптарға деген сұраныс артып келеді. Әсіресе кейінгі жастарда өз тарихын, мәдениетін танып білуге деген құлшыныс арта түскен. Бірақ, жазылғанына сан жыл өтсе де өз құндылығын жоғалтпайтын шығармаларды қарапайым кітап дүкендерінен табу қиын бұл күнде. Ал оларды сақтайтын бір ғана орын бар. Ол Букинистік орталықтар. Ең қымбат қазыналар мемлекеттен қолдау көрмейтін, жағдайы жыларман жерде жатыр.

Дене мүшесін саудалаймын деп, соттан бір-ақ шықты. 27 жастағы жігіт бүйрегін сататыны туралы әлеуметтік желіге жазыпты. Клиенттер де табыла кеткен. Сатып алатын адаммен уағдаласып, келіскен ақшаның жартысын алып жатқанда құзырлы орган өкілдері үстінен түсті. Сот процесіне қатысып келген тілшіміз баяндайды.

Министр пәтер сыйлады. Ақтөбенің құтқарушыларында — қос қуаныш. Мереке қарсаңында 26 отбасы қоныс тойын тойлады. Қызметтік пәтерді кімдер алды?

Қарап тұрсаң, 33 жыл – бір буын алмасатын уақыт. Заманауи үрдіспен, жаңа технологиялар көшімен құндылықтардың өзгергені ақиқат. Дегенмен, өзгермейтін жалғыз құндылық бар, ол – тәуелсіздік! Соның арқасында дербес ел болып, еңсемізді тіктедік. Ел аумағын айқындап, шекарамызды шегендедік. Алтын арқауы үзіліп қала жаздаған елдік дәстүрді қайта жалғап, оны да берік орнықтырып алдық. Әр сала өз сүрлеуіне түсті. Басымдық берілген бағыттардың бірі …

Дарынды жастардың бәрі шекара асып кетіп жатқан жоқ. Керісінше, шетелде алған білімін, тәжірбиесін еліміздің даму жолында сарп етіп, қызмет істеп жүргендері жетерлік. Оның бір дәлелі 2019 жылдан бастап қолға алынған президенттік жастар кадр резерві жобасы. 400 жастың 150-ге жуығы түрлі бағдарламамен шетелде білім алса да, қазір елге оралып қызметтерін жалғастырып жүр. Бұл басшылық құрамның жаңа буыны.

Сөз жоқ, мемлекеттік рәміздер – республиканың негізгі айшығы. Ал оның байлығы – адам. Ата заңда солай делінген. Бірақ, ойланып қарасақ, демелитаризацияланған, яғни шегенделген шекарасыз дербестік туралы айту – әбестік. Сондықтан да, егемен елдің ережесінде шекараның алар орны ерекше. Ал оны күзету – абыройлы міндет.

Талдықорғанда тұрмыстық қалдыққа таласып жатыр. Білдей бір шаһардың қоқысын шығаруды «Жаңа сана» компаниясы жалғыз өзі мойнына алыпты. Өткен жылы тендер ұтқанымен, жұмысын уақытында бастамаған көрінеді. Ол аз болғандай, көрсетілмеген қызметке түбіртектер жіберілген. Ал бұрынғы қоқыс шығарушы мекемелер болса, «құқығымызды шектеп отыр» деп шу шығарып жатыр.