Новости

Соқталдай азамат инъекция салдырамын деп ажал құшты. Науқас жеке клиникаға тізесі қақсап, ем іздеп келген екен. Тұрғынның ине алғаннан соң, жағдайы күрт нашарлап, жансақтау бөлімінде қайтыс болды.

Жыл басынан бері 30 мыңға жуық жол апаты болып, 2 мың адам ажал құшты. Сұмдық статистиканы бүгін өткен брифингте Әкімшілік полиция комитеті келтірді. Ал, жуырда ғана Ақтөбе жақтағы он екі адам опат болған тас жолда бақылау күшейіпті. Сақшылар Самара-Шымкент тас жолымен кетіп бара жатқан көліктерді тоқтатып жатыр. Жүргізушілермен жүргізілген әңгімеден бірдеңе өзгере ме? Мұндай бақылау қашанға дейін жалғасады?

Өскеменнің автобусы тұрғындарды сағаттап күттіріп қояды. Қоғамдық көліктер тіпті, жүру кестесіне бағынбайтын көрінеді. Ал, автопарк иесі жергілікті билік бізді әдейі қуып жатыр деп күйінді. 100 миллиондап қаржы құйып, техникаларды жаңартса да, атқамінерлер ақысын бермепті.

Әрбір табысты кәсіпкер туған ауылына қарайласуға тиіс. Президент қалталы азаматтарды өскен өңірінің өркендеуіне үлес қосуға үндеді. Кезінде дүркіреп тұрған елді-мекендердің екінші тынысын ашу үшін не істеліп жатыр? Ауыл еңбеккерлерінің екінші форумында Қасым-Жомарт Тоқаев агросаладағы өзекті мәселелер мен жаңа міндеттерді жіпке тізді.

Үйіңізге ойламаған жерден Президент кіріп келсе не істейсіз? Соңғы уақытта мемлекет басшылары кез-келген үйге немесе кеңсеге қонаққа баратын болды. Қалай дейсіз ғой? Жасанды интеллекттің көмегімен. Пранкер жастар осылайша бастықтарын, үйдегі ұл-қыздар ата-аналарын алдап, әзілдесіп жүр. Тіпті, пәтерге кіріп алған бейтаныс біреудің жалған фотосын жіберіп, үлкендердің зәресін алатыны тағы бар.

Астанада лифт құлап, адамдар қаза тапты. Жеделсаты жетінші қабаттан үзіліп, жерге түскен екен. Астында бір емес, бірнеше кісі қалды деген ақпарат бар. Сорақысы сол, дәл осы үйде үш ай бұрын да лифт құлап еді. Ол кезде 9-қабаттан төменге гүрс ете қалған кабинадан 9 жасар қыз тірі шыққан.

Оқушылар футбол алаңына таласып, үлкені кішкентайының қолын сындырды. 10 сыныптың жігіттері 10 жастағы баланы жерге құлатып тепкілеген көрінеді. Иығын ала алмай жатып қалған жеткіншекке жедел жәрдем шақыруды ешкім ойына да алмапты. Ол аздай, енді тергеушілер істі бұрмалап жатыр дейді анасы.

Алматы облысында 360 отбасы ірі компанияға сеніп, далада қалды. Үш жылдан бері жұрт ақша салып жүрген құрылыс заңсыз көрінеді. Екі жыл бұрын тоқтатылып, сот шешімімен бұзылуы керек болған. Бірақ, мердігер бәрін біле тұра, құрылысын тоқтатпай ақша жинай берген. Сөйтіп, бір жарым миллиард теңгені қалтаға басқан. Бұл қай компания десеңіз айтайын, «Investment stroy construction». Ертең сіз де алданып қалмаңыз, білмейтіндер біле …

Мешіт имамы жол апатынан көз жұмды. Алматының Әл Фараби даңғылымен келе жатқан жеңіл көлік кенет шетке қарай бұрылып, билбордтың бағанына соғылып тоқтаған. Бірақ дәрігерлер жүргізушінің апатқа дейін қайтыс болып кеткенін айтыпты.

Емделемін деп, дертіңізді одан сайын асқындырып жүрмеңіз. Халыққа тегін берілетін кей дәрілер қауіпті болып шықты. Бұл туралы бүгін Үкімет отырысында Денсаулық сақтау министрінің орынбасары Тимур Мұратов мәлімдеді. Бұл медициналық препараттар тұрғындардың қолына тиіп үлгерді ме? Үкімет басшысы неге ашуланды?