Новости

Қарыздың кесірінен туыстар қырық пышақ болып, жан достар жаға жыртысып жүр. Борыштың батпағына батқандар тіпті туған бауырларымен де араласпай кеткен. Бүгінде кім кімге қарыз емес? Сіз біреуге, ол банкке кіріптар. Сары уайымға салатын сергелдеңнің соңы соттасумен тынып жатады, — дейді фемида өкілдері.

Қазақстанда 20 млн адам және тағы сонша шайтан бар. Яғни, әрбірімізде ішімізде бір-бір ібілістен отыр. Мұны дін өкілдері айтып, жаға ұстатты. Аты жамандар адамды азғырып, түрлі зұлымдық пен пасық әрекеттерге апарады екен. Ал оған жындар келіп қосылса адам өз-өзіне қол жұмсауы әбден мүмкін. Сонда адамды шайтан түртіп, жын кіргенін қалай білеміз?

Көп жұрттың көгілдір отынға қолы жетпей жүрсе, Түркістан облысының тұрғындары газдың берілуіне қарсы шықты. Себебі, газ құбырларының сапасы нашар дейді. Сондықтан, шала-пұла жұмысты қабылдап алып, көгілдір отынды қоса салу тұрғындар үшін қауіпті деп отыр. Оның Тіпті, судың құбырының үстіне газдың трубаларын тастай салаған дейді жиналғандар.

«Бір құмалақ бір қарын майды шірітеді». Алматы облысында бүтін бір ауыл тұрғындары бір адамның кесірі мыңға тиып отырғаннан айтады. Арызқой ата-ананың кесірінен мектептен, де ауылдан да сән кетіпті. Бізді жайымызға қалдырсын деп біздің арнадан көмек сұрады. Қит етсе өкілетті органдарға жүгінетіндіктен ол кісіне мектеп басшылығы да, әкімдік қызметкерлері де қарсы келе алмайды екен.

Ұл — қызыңыз енді ұялы телефонды ұмытады. Сенаторлар бүгін мектеп жасындағыларға гаджет ұстауға тыйым салатын заңды мақұлдады. Кітап оқудың емес желінің жетегінде кеткен жас өрендерді білім мен ғылымға баулуымыз керек депутаттар тағы біраз мәселенің басын қайырды. Балалардың қауіпсіздігі мен олардың жат ағымның кетпеуіне жағдай жасау жағы да сөз болды.

Педофилдерге жаңа жаза тағайындалады. Бүгін парламент қабырғасында азғындардың айыбын өтеуі туралы айтты депутаттар. Кішкентай балаларды зорлағандарға бұрынғыдай химиялық кастрация жасамайтын болыпты. Жаңа заң жобасына сәйкес олардың ендігі үкімі туралы мәжіліске барып келген айтады.

Жұрт алып шаһарға үдере көшіп жатса, Ақтөбеде, керісінше, қаладағылардың өзі аңсары ауған бір ауыл бар. Соңғы жылдары әлгі елдімекенге он отбасы қоныс аударған. Көрші өңірдің адамдарын ғана емес, сонау Германияға көшіп кеткен байырғы тұрғынның өзін сағындыратындай ол ауылда не құпия бар?

«Бақорда» — бағымыз емес, сорымызға айналып барады. Алматыдағы аталмыш базар саудагерлері бас көтеріп, базынасын айтты. Кәсіпкерлер пайда табудың орнына шаш етектен шығынға батып жатқан көрінеді. Оған жалға алу бағасының жыл сайын негізсіз қымбаттауы себеп деп отыр. Ашынған ағайын мұндай бассыздыққа сауда нүктесінің басшысы әдейі жол бергеніне сенімді. Айтуларынша, бұрындары әкім, депутат болған дөкей ешкімді пысқырмайды.

Жақсылық көрсем өзімнен, жамандық көрсем өзімнен. Биыл әрбір әрекетіңіз, әр айтқан негатив сөзіңіз өзіңізге қайтып келеді екен. Астрологтар аспан әлемін әрі зерттеп, бері зерттеп, 2024 карма жылы деген қорытындыға келіпті. Қысқасы, биыл бәрімізге аузыңызға абай боп жүріңіз деп отыр.