Былтыр, дәл осы күні Мемлекет басшысының бұйрығымен ел тарихында тұңғыш рет төтенше жағдай жарияланып, өңір-өңірде карантин енгізілген еді. Блокпосттар қойылып, ел-жұрттың үйіне қамалып, қалалардың қаңырап бос қалғаны әлі есте. Алайда карантин деп жүргенімізге жыл өтсе де, вирустан төнер қауіп сейілмеді әлі. Бүгін Үкімет отырысында бас дәрігер Алексей Цой сәуірде індет жұқтырғандар саны қайта артып, тәулігіне 1700 адамға жетуі мүмкін деген болжамымен бөлісті. Сонда былтырғы сценарий қайталануы мүмкін бе? Ал бас қаладағы локдаун қашан және кімдер үшін енгізіледі?