Елордада жұмыссыз қалған 300 азаматқа әлеуметтік төлем беріле бастады. Бұл туралы Нұр-Сұлтан қаласы әкімінің орынбасары Бақтияр Мәкен мәлімдеді. Оның айтуынша, елдегі төтенше жағдайға байланысты жалақысынан айырылғандарға 42 500 теңге атаулы көмек төленеді. Өтініштер онлайн түрде қабылдануда. Сондай-ақ, елорда бойынша 5000-нан астам отбасы қосымша көмек алып жатыр. Мәселен, әлеуметтік аз қамтылған 3500 тұрғын қажетті азық-түлік пен гигиеналық тауарлармен қаматамасыз етілуде. Айта кетейік, зейнеткерлерге де тиісті көмек қарастырылған. Жергілікті әкімшілік еріктілермен бірлесіп, диспансерлік есепте тұрған егде жастағы азаматтарға тиісті дәрі-дәрмектерін жеткізіп жатыр.

ЕЩЕ БОЛЬШЕ НОВОСТЕЙ В НАШЕМ TELEGRAM-КАНАЛЕ! ПОДПИСЫВАЙТЕСЬ И БУДЬТЕ В КУРСЕ ВСЕХ СОБЫТИЙ В КАЗАХСТАНЕ И МИРЕ!