Ұшты, ұшты, сиыр ұшты! Көкте қалықтаған төрт түліктің бірін елордалықтар көріп, видеоға таспалап алған екен. Мына кадрлардан белгісіз біреудің жануарды көп қабатты үйдің төбесіне кранмен көтеріп жатқанын байқауға болады. Дегенмен дүйім жұрттың ызасын тудырған оқиғаның жай-жапсарын құрылысы бітпеген ғимараттың басшысы дереу түсіндірді. Құрылысшылармен құрбандық шалып, етті жағдайы төмен отбасыларға бөліп бергіміз келді деп ақталып отыр.