Қарияларымыздың қарны ашып жүр. Иә, тура мағынасында. Семейдегі қарттар үйінің тұрғындары шіріген ас жеп, шыдамы таусылғандарын айтты. Тағамнан тарыққандары былай тұрсын, кейде дәрі — дәрмекті өздері сатып алатын көрінеді. Дәрігерлер де жұмысына жауапсыз екен. Онсыз да ұл — қызының қамқорлығынан кенде қалған жандар үшін бұл ауыр соққы болып отыр. Ал мекеменің өзі былтыр қазан айында 5 миллион теңгеге келісімшарт жасапты. Сонда бұл қаражат қайда кеткен? Еті жоқ сорпа ішіп, шеті жоқ мәселелерден мазасы қашқан қариялардың жағдайын тілшіміз айтсын.