Алматы облысында ауыл тұрғындары қалталарынан жырып, өз қаражатына тұрғызған трансформатор мен су үңғымасы жекеменшікке сатылып кеткен. Ал жоқ жерден пайда болған жаңа қожайын су мен электр қуатына өз бетінше тариф белгілеп, пайдаланғаны үшін жалдау құнын төлеуді талап етіп жатыр екен. Учаскенің бастапқы иесі ол жерді ауылға трансформатор орнату үшін сыйға тартыпты. Ал жер телімінің жаңа қожайындарының бұған қатысты өз уәждері бар.