Дау-дамайы көп жайлау – Көкжайлауда жекенің құрылысы жүрмейді. Айрықша қорғалған аймақты ұлттық парк аумағына қайтару жұмысы бітуге жақын қалды. Ұлттық парк өкілдері қазір жер телімдерін толығымен қайтарып алу үшін тек тиісті құжаттарға қол қойса болғаны. Осылайша тау-шаңғы курортын салу үшін кезінде бөлінген мың гектардан астам жер мемлекет меншігіне қайта өтетін болды.