Елде итке «иттік» жасағандар тыйылмай тұр. Енді жасына да толмаған күшіктің қос жанарын әдейі күйдірген күдіктілер іздестіріліп жатыр. Өкінішті бірақ, қазақ бұрыннан қазынам деп қастерлеген үй жануары күннен-күнге жауыздардың құрбанына айналып барады. Адамдар төрт аяқтыға деген сол бір қасиетті жоғалтты ма, әлде мейірімсіз болып бара ма, бірақ үй жануарының адамға деген жылуы суымаған. Әріптесім адамдардың «иттігі» мен иттердің адам айтса нанғысыз мейірімін таразыға салып, параллель жасап көрді.