Бірдің кесірі мыңға. 30-ға жуық елордалық кәсіпкер Алматы ауданының әкімдігінен қысым көрдік деп арнамызға шағымданды. Шағын және орта бизнес өкілдері қиын-қыстау кезеңде жергілікті шенділер көмек қолын созудың орнына, саламызды тұншықтырып жатыр деп налиды. Мәселен, қаладағы саябақтардың бірінде демалушыларға әткеншектерді жалға беріп, табыс тауып жүрген жандардың қымбат құрылғыларын шенділер тартып алған көрінеді.