Бұл сериалдың басты кейіпкерлері – подполковник, БІІБ жедел-іздестіру тобының бастығы Глеб Данилов және подполковник, сараптамалық топтың бастығы Владимир Старыгин. Екі бастық бір-бірімен қырғи қабақ. Данилов – екі сөзінің бірі боқтық, арасында ұрттап қоятын қарапайым еркек. Ал Старыгин – интеллигент, ақсүйек. Данилов подполковник болғанына қарамастан, қоластындағылармен бірге қылмыскерлерді ұстауға шығады, кабинетте орындықтың үстіне ұйықтай салады. Қоластындағыларды әкесіндей жақсы көреді, олар да бастықтары үшін отқа да, суға да түсуге даяр. Старыгин болса, жып-жылы кеңседе үш қызметкерінің ортасында отырады.