«Бір науқастың 82 тісін емдеген. Енді біріне бір аурухана 32 қызмет көрсеткен». МӘМС таң қалдырудан жалықпайды. Осыдан 5 жыл бұрын іске қосылған міндетті әлеуметтік медициналық сақтандыру жүйесінен былықтар әлі де шығып жатыр. Оның бірқатарын бүгін Мәжілісте өткен Үкімет сағатында депутаттар жайып салды. Саланы әбден сынаған атқамінерлер «баяғы жартас, бір жартас», бір жылда ештеңе де өзгермеді деп, Денсаулық сақтау министріне шүйлікті. Халықтың игілігі үшін ашылған жүйе неге әлі күнге дейін қолжетімсіз? Бұған жауаптылар не дейді?