Жасы 40-қа келген Славаның өмірінің шырқы бір сәтте бұзылады: күйеуі жас көңілдесіне кетеді. Қызы Славаны «өмірімді құрттың» деп айыптайды, ал ең жақын құрбысы сатқындық жасағанын мойындайды. Соңғы 15 жылда Слава отбасы, ошақ қасынан алысқа шықпаған. Алайда жақындары оның бұл еңбегін бағаламаған секілді. Славаның салы суға кетіп жүргенде, өмірін жаңадан бастауға көмектесетін ер азамат пайда болады. Шынайы махаббатын сыйлап, жер бетіндегі ең жақын адамына айналады.