Фильмнің басты кейіпкері Алексей 40 жыл отасқан жарын тастап, жас көңілдесіне кетеді. Ол ортан жолдан басқа біреуді сүйіп қалып, ажырасып, жас қыздарға үйленіп жататын достарына жазғыра қарайтын еді. Мұның барлығын жеңілтектік деп ойлайтын ол өмірдің ыстық-суығына бірге төзген, екі баласын бірге өсірген әйелі Вераны сүйетін. Алайда бұл отбасылық бақыттың шырқын бір жас әйел бұзды. Фирмасына жұмысқа орналасқан жас қыз сұлулығымен, ашықтығымен, қылығымен Алексейді баурап алды. Барлығын әйелінің алдында мойындап, ажыраспақшы болған ол жолайырықта тұр.