Полиция капитаны Павел Семенов Полиция капитаны Павел Семенов Петербор аудандарының бірінде қызмет етеді. Павел төбелескендерді ажыратып, есірткі қолданатындардың ұясына кіріп барып, тәртіп бұзғандарды тұтқындауға үйренген. Егер ойланып-толғанатын болса, өзін өлтіретінін түсінеді. Сол себепті де алдымен қимылдайды, кейін ойланады. Өз өмірін қатерге тігіп, ол бизнесменнің қызын құтқарады. Алғыс ретінде Латышев Павелдің қаланың орталығы Невский даңғылына ауысуына ықпал етеді. Онда қызмет ету беделді әрі тиімді саналады. Алайда Павел жаңа ұжымда әріптестермен тіл табыса алмайды. Әріптестердің көпшілігі қалтасын қампайтумен айналысады, қылмысқа қарсы күрес оларды аса алаңдатпайды.