Орал қаласында ойын баласы жазатайым қылқынып өліп қала жаздады. Оқыс-оқиға Громова көшесіндегі №11 үйдің ауласында өткен сенбі күні сағат үштер шамасында болған. 9 жастағы балақай спорт алаңындағы арқандардың біріне оратылып, ес-түссіз қалған соң, ауладағы басқа балалар ересектерді көмекке шақырыпты. Жедел жеткен дәрігерлер жеткіншекке тиісті жәрдем берген соң, жақын маңдағы қалалық ауруханаға жеткізген. Соның арқасында сырқаттың беті бері қарады дейді дәрігерлер. Кеше есін жиған бала жан сақтау бөлімінен облыстық балалар ауруханасының неврология бөліміне ауыстырылыпты.