Бүгін — Үкімет мүшелері улап-шулап жүріп 3 жылға арналған бюджет жобасын Мәжіліс алдында бекіттіріп алды. Ал, жыр болған жаңа салық кодексінің есебінен қазынамыз қосымша 3 трлн теңгеден астам қаржыға толығады екен. Бұл сома ақсап тұрған салаларға қарай бағытталмақ. Сондай-ақ, экономикаға жауапты министрлер ұзақ жылдан бері биыл алғаш рет Ұлттық қорға қарайламайтындай етіп бюджет жоспарладық деп отыр. Бірақ, кейбір депутаттар Үкіметтің жұмысына көңілдері толмайтынын да ашып айтып қалды.