Қызылорда облысы Шиелі кентінде темір жол вокзалындағы саудагерлер сәуірден бастап жұмыссыз қалуы мүмкін. Кәсіптерін дөңгелетіп отырған жандарға вокзал басшылығы жөндеу жұмыстары жүреді деген уәжбен орындарын босатуын талап етіпті. Кәсіпкерлер болса перондағы дүңгіршектерді несие алып, қарызға батып орнатқан көрінеді. Вокзал басшылығы мұны ескермесе керек. Қайта жаңғырту жұмыстары жүретіндігі жайлы хабарламаны екі-үш күн бұрын ғана таныстырыпты. Не істерін білмей жергілікті билік өкілдеріне арызданып барған сатушыларды шенеуіктер сықап, қайтарыпты.