Шымкентте автобус жүргізушілері мен кондукторлар бүгін жұмысқа шығудан бас тартты. Олар жалақыларын көтеруді талап етіп, мекеме қожайынын тезге салуды сұрады. Наразы жұрттың айтуларынша, автопарк иесі шындықты айтып, шырылдағандарды шетінен жұмыстан қуып жатыр екен. Амалы таусылған азаматтар қала әкімінен көмек сұрауға мәжбүр болды. Ал, бұл уақытта жұмысқа асыққан жолаушылар аялдамада сағаттап автобус күтіп тұр еді.