Ауғанстанда ойран салған тәліптердің Орталық Азияға қаупі қандай? Елордада бір топ сарапшы бас қосып, қазіргі жағдайға баға берді. Жиын Қазақстан, Ресей, Қырғызстан сарапшыларының қатысуымен өтті. Талибандардың қарқыны бүгінде бүкіл әлемді алаңдатып отырғаны рас. Оның ішінде іргелес Орталық Азия елдеріндегі ахуал мен Талибан үкіметінің алдағы жоспары шолушылардың пікірталасына арқау болды. Отандық мамандар бұқаралық ақпарат құралдарында тәліптер мен олардан төнер қауіптің деңгейі ашық, жан-жақты айтылатын кез келді деп есептейді.