Марина араға сегіз жыл салып, әкесінің туған күнге шақыруын қабыл алады. Бауыры Федя қоңырау шалып, әкесіне кімнің қауіп төндіріп тұрғанын анықтауға көмектесуін өтінбегенде, ескі өкпелерінен арылмаған Марина келмес те еді. Туыстарымен кездесу Марина үшін оңайға соқпайды, әпкесі Оля бұрынғыша оны көре алмайды және күйеуі Пашаны сіңлісінен қызғанады. Паша болса, бұрынғы сүйіктісін көргеніне қобалжулы. Әкесінің жаңа әйелін Марина анасының өліміне тікелей қатысы бар деп санайды. Мерекелік дастарқан басында отбасылық құпиялар мәлім болып, жаңа дау-дамай пайда болады. Туыстарымен ренжіскен Марина бұл жолы туған үйінен мәңгілікке кетуге бел буады. Алайда Федяның қоңырауы оны жарты жолдан қайтуға мәжбүр етеді – әкесі өлі күйінде табылады.