Жаздың ыстық күні 24 жастағы Андрей суға батып бара жатқан оқушы Вераны құтқарады. Жас қыз өзінің құтқарушысына ессіз ғашық болып қалады, ал жігіт оны қыз ретінде елемейді. Көп ұзамай, Андрей қалаға кетіп, өзімен жасты аруға үйленеді. Ал Вераның қолында суреттер, медальон мен екеуі бірге құтқарған күшік Джим қалады. Арада жылдар өтті. Вера бойжетіп, табысты әрі сұлу әйелге айналды, өз кәсібін ашты, тұрмысқа шықты. Дегенмен, бақытты бола алмады. Бірде Вера Андрейді ветеринарлық емханада көріп қалады, алайда өзінің дәл баяғы Вера екенін айтпайды. Көп уақыт өтпей, кәсібінде қиындықтар туып, күйеуі опасыздық жасап, өмірі соқпақты сүрлеуге түседі. Осындай қиын шақта көп жыл бұрынғыдай көмекке Андрей келеді.