«Егер бай болып, елге пайдаң тимесе, батыр болып, жауға найзаң тимесе, жұрттан алабөтен үйің күйсін!». Осыны айтқан даңқты Әйтеке би болатын. Міне, қазір осы ұлы кемеңгер бабамыздың есімімен аталатын ауыл не жарықсыз, не сусыз, не газсыз және жолсыз отыр. Сол себепті Түркістан облысы, Сайрам ауданындағы Әйтеке би елді-мекенінің тұрғындары: «Мәселені шешпейтін әкімдіктің не қажеті бар?» деп налиды. Ал жағдайын айта барған жұртқа жергілікті атқамінерлер «ұнамаса көшіп кетіңдер» деп жекіретін күйге жеткен. ХХІ ғасырда өркениеттен жұрдай өмір сүріп жатқан ауылға аймақтағы тілшіміз барып келді.